جاڭالىقتار
ۇشاق اپاتىنىڭ سالدارىن جويۋعا قاتىسقاندار مەملەكەتتىك ناگرادالارمەن ماراپاتتالدى
فوتو: اشىق دەرەككوز
ماڭعىستاۋ وبلىسىندا توتەنشە جاعدايلار دەپارتامەنتىنىڭ ون قۇتقارۋشىسىنا اقتاۋ قالاسىندا ورىن العان ۇشاق اپاتىنىڭ سالدارىن جويۋ كەزىندە كورسەتكەن كاسىبيلىگى, باتىلدىعى مەن جانقيارلىعى ءۇشىن مەملەكەتتىك ناگرادالار تابىس ەتىلدى, دەپ جازدى qandastar.kz
سونىمەن قاتار ءورت ءسوندىرۋ بولىمدەرى مەن مەديتسينالىق مەكەمەلەردىڭ قىزمەتكەرلەرى قازاقستان رەسپۋبليكاسى پرەزيدەنتىنىڭ العىس حاتتارىن الدى, ولار دا ادامداردى قۇتقارۋدا جانە قايعىلى وقيعانىڭ سالدارىن جويۋدا شەشۋشى ءرول اتقاردى.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىنا سايكەس ماڭعىستاۋ وبلىسىنىڭ اكىمى نۇرداۋلەت قيلىباي وپەراتسياعا قاتىسۋشىلارعا ناگرادالار تابىس ەتتى. ماسەلەن ءورت ءسوندىرۋ قىزمەتىنىڭ جانە مامانداندىرىلعان ءورت ءسوندىرۋ ءبولىمىنىڭ ءۇش وكىلى:
بايتورە ولجاس سەرىكباي ۇلى — № 12 ءورت ءسوندىرۋ ءبولىمىنىڭ ءورت ءسوندىرۋشىسى-قۇتقارۋشىسى,
وڭعار سەرىبولات ايتمۇحانبەت ۇلى — № 12 ءورت ءسوندىرۋ ءبولىمىنىڭ بولىمشە كومانديرى,
ساركەنوۆ مارلەن بەگەندىك ۇلى — № 1 مامانداندىرىلعان ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى راحىمجان قوشقارباەۆ اتىنداعى III دارەجەلى «ايبىن» وردەنىمەن ماراپاتتالدى.
مىنا قىزمەتكەرلەر:
اللابەرگەنوۆ قوجابەك ساپار ۇلى — «اپاتتار مەديتسيناسى ورتالىعى» مم ماڭعىستاۋ وبلىسى بويىنشا فيليالىنىڭ كولىك جۇرگىزۋشىسى-سانيتارى,
باعىتوۆ ماناس ماشرىق ۇلى — جەدەل قۇتقارۋ جاساعىنىڭ قۇتقارۋشىسى,
ەستەمەس الىشەر نۇرجان ۇلى — «قازاۆياقۇتقارۋ» اق اۋە كەمەسىنىڭ ەكىنشى پيلوتى,
قۇداباەۆ اسحات قۇدايبەرگەن ۇلى – «قازاۆياقۇتقارۋ» اق اۋە كەمەسىنىڭ كومانديرى
قۇبايدۋللاەۆ زامانبەك مۇرات ۇلى — اپاتتار مەديتسيناسى ورتالىعى فيليالىنىڭ فەلدشەرى,
ورازبەكوۆ وسپان جالعاسىن ۇلى — اپاتتار مەديتسيناسى ورتالىعى فيليالىنىڭ دارىگەرى «ەرلىگى ءۇشىن» مەدالمەن ماراپاتتالدى.
اپاتتار مەديتسيناسى ورتالىعى فيليالىنىڭ پسيحولوگى ەسەن جان بايكەنقىزى «ەرەن ەڭبەگى ءۇشىن مەدالىمەن ماراپاتتالدى.
ماراپاتتالعانداردىڭ ىشىندە 68 ادام, ونىڭ ىشىندە تج دەپارتامەنتىنىڭ 24 قىزمەتكەرى جانە وبلىستىڭ ءتۇرلى سالالارىنىڭ 44 وكىلى بار. تج ءمينيسترى گەنەرال-مايور شىڭعىس ءارىنوۆتىڭ اتىنان ماراپاتتاردى ماڭعىستاۋ وبلىسى توتەنشە جاعدايلار دەپارتامەنتىنىڭ باستىعى مۇرات مۇحانوۆ تابىستادى.
بۇل ماراپاتتار — ءوز ەڭبەكتەرىمەن ءوڭىر تۇرعىندارىنىڭ قاۋىپسىزدىگى مەن قورعالۋىنا ەلەۋلى ۇلەس قوسقان بارلىق قاتىسۋشىلاردىڭ اپاتتى جويۋدا كورسەتكەن جوعارى كاسىبي بىلىكتىلىگىن, جانقيارلىق پەن باتىلدىعىن مويىنداۋ.
