Ushaq apatynyń saldaryn joıýǵa qatysqandar memlekettik nagradalarmen marapattaldy

Foto: ashyq derekkóz

Mańǵystaý oblysynda Tótenshe jaǵdaılar departamentiniń on qutqarýshysyna Aqtaý qalasynda oryn alǵan ushaq apatynyń saldaryn joıý kezinde kórsetken kásibıligi, batyldyǵy men janqııarlyǵy úshin memlekettik nagradalar tabys etildi, dep jazdy qandastar.kz

Sonymen qatar órt sóndirý bólimderi men medıınalyq mekemelerdiń qyzmetkerleri Qazaqstan Respýblıkasy Prezıdentiniń alǵys hattaryn aldy, olar da adamdardy qutqarýda jáne qaıǵyly oqıǵanyń saldaryn joıýda sheshýshi ról atqardy.

Qazaqstan Respýblıkasynyń Prezıdenti Qasym-Jomart Toqaevtyń Jarlyǵyna sáıkes Mańǵystaý oblysynyń ákimi Nurdáýlet Qılybaı operaııaǵa qatysýshylarǵa nagradalar tabys etti. Máselen órt sóndirý qyzmetiniń jáne mamandandyrylǵan órt sóndirý bóliminiń úsh ókili:

Baıtóre Oljas Serikbaıuly — № 12 órt sóndirý bóliminiń órt sóndirýshisi-qutqarýshysy,

Ońǵar Seribolat Aıtmuhanbetuly — № 12 órt sóndirý bóliminiń bólimshe komandıri,

Sárkenov Márlen Begendikuly — № 1 mamandandyrylǵan órt sóndirý bóliminiń aǵa órt sóndirýshi-qutqarýshysy Rahymjan Qoshqarbaev atyndaǵy III dárejeli «Aıbyn» ordenimen marapattaldy.

Myna qyzmetkerler:

Allabergenov Qojabek Saparuly — «Apattar medıınasy ortalyǵy» MM Mańǵystaý oblysy boıynsha fılıalynyń kólik júrgizýshisi-sanıtary,

Baǵytov Manas Mashryquly — Jedel qutqarý jasaǵynyń qutqarýshysy,

Estemes Álisher Nurjanuly — «Qazavıaqutqarý» AQ áýe kemesiniń ekinshi pıloty,

Qudabaev Ashat Qudaıbergenuly – «Qazavıaqutqarý» AQ áýe kemesiniń komandıri

Qubaıdýllaev Zamanbek Muratuly —  Apattar medıınasy ortalyǵy fılıalynyń feldsheri,

Orazbekov Ospan Jalǵasynuly —  Apattar medıınasy ortalyǵy fılıalynyń dárigeri «Erligi úshin» medalmen marapattaldy.

Apattar medıınasy ortalyǵy fılıalynyń psıhology Esen Jan Baıkenqyzy «Eren eńbegi úshin medalimen marapattaldy.

Marapattalǵandardyń ishinde 68 adam, onyń ishinde TJ departamentiniń 24 qyzmetkeri jáne oblystyń túrli salalarynyń 44 ókili bar. TJ mınıstri general-maıor Shyńǵys Árinovtyń atynan marapattardy Mańǵystaý oblysy Tótenshe jaǵdaılar departamentiniń bastyǵy Murat Muhanov tabystady.

Bul marapattar —  óz eńbekterimen óńir turǵyndarynyń qaýipsizdigi men qorǵalýyna eleýli úles qosqan barlyq qatysýshylardyń apatty joıýda kórsetken joǵary kásibı biliktiligin, janqııarlyq pen batyldyǵyn moıyndaý.