Ushaqta ádepsiz sózder aıtqan Tursynbek Qabatov 5 táýlikke qamaldy

Ushaqta ádepsiz sózder aıtqan Tursynbek Qabatov 5 táýlikke qamaldy.,-dep habarlaıdy Qandastar.kz

Astana qalalyq Ákimshilik quqyq buzýshylyq ister jónindegi mamandandyrylǵan aýdanaralyq soty usaq buzaqylyq jasaǵany úshin aıyptalǵan adamǵa qatysty isti qarady (ÁQBtK-niń 434-babynyń 1-bóligi).

Is materıaldaryna sáıkes, aıyptalýshy ushaq bortynda mas kúıinde ádepsiz sózder aıtqan.

Sotta ol stıýardessalardyń nashar qyzmetine kóńili tolmaıtynyn aıtyp, olarǵa óz eskertýin bildirgen. Ol óziniń ádepsiz sóz aıtqany nemese aıtpaǵany esinde joqtyǵyn alǵa tartqan, biraq qoǵamdyq tártipti buzǵany úshin keshirim suraǵan.  Kýá (aǵa stıýardessa) quqyq buzýshynyń ushaq bortynda mas kúıinde bolǵanyn jáne ádepsiz sózder aıtyp, sol arqyly qoǵamdyq tártip pen azamattardyń tynyshtyǵyn buzǵanyn rastaǵan.

Quqyq buzýshynyń kinási kýániń aıǵaqtarymen, jolaýshyny polıııaǵa berý aktisimen, beınejazbamen jáne medıınalyq saraptama qorytyndysymen rastalady.

ÁQBtK-niń 434-babynyń 1-bóliginiń sankııasynda 20 AEK kóleminde aıyppul salý nemese 5-ten 15 táýlikke deıin ákimshilik qamaqqa alý kózdelgen.

Sot jasalǵan is-árekettiń kólemi men sıpatyn, qoǵamǵa teris áser etetin jáne qoǵamdy syılamaýshylyqty kórsetýge baǵyttalǵan, laıyqsyz minez-qulyqpen kórinetin quqyqqa qarsy minez-qulyqtyń jalǵasýyn eskere otyryp jaza taǵaıyndady.

Aıyptalýshy ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanyldy. Ol ákimshilik jazaǵa tartyldy – 5 táýlikke qamaýǵa alyndy.