Ushaqta bomba bar dep ázildegen jigittiń ústinen qylmystyq is qozǵaldy

Foto: Pixabay

Almaty – Oral baǵytynda ushatyn ushaqta jas jigit bomba qoıylǵany týraly jalǵan aqparat taratqan. Ol vıdeony jelige júktep, ázildeskisi kelipti, dep habarlaıdy Skifnews.kz aqparat portaly. 

Atalǵan jaǵdaıǵa baılanysty bortty áýe kúzetiniń ókilderi kınologtarmen birge kelip teksergen.

Sodan keıin jas jigitti ushaq bortynan túsirip, alyp qalǵan.

Beınejazbada onyń kózine jas alyp, qapalanǵany anyq kórinedi.

IIM Kóliktegi polıııa departamentiniń baspasóz qyzmetinen túsken málimetke qaraǵanda, atalmysh oqıǵaǵa baılanysty terrorızm aktisi týraly kórineý jalǵan habarlaý boıynsha QR QK 273-babyna sáıkes sotqa deıingi tergeý amaldary júrgizilip jatyr.

«О́zge aqparat QR Qylmystyq-proestik kodeksiniń 201-babynyń talaptaryna sáıkes jarııa etýge jatpaıdy», dep habarlady vedomstvodan.

Atalǵan bap boıynsha aıypty dep tanylǵan adam bes myń aılyq eseptik kórsetkish mólsherinde aıyppul salýǵa ne sol mólsherde túzeý jumystaryna ne bes jylǵa deıingi merzimde bas bostandyǵyn shekteýge ne sol merzimge bas bostandyǵynan aıyrýǵa jazalanady.