الەم جاڭالىقتارى
ءۇشىنشى دۇنيەجۇزىلىك سوعىس قاۋپى سەيىلدى – ترامپ
فوتو:دونالد ترامپ
اقش پرەزيدەنتى دونالد ترامپ الەم جاڭا دۇنيەجۇزىلىك سوعىسقا جاقىنداپ قالعانىن, الايدا بۇل قاۋىپ قازىر توقتاتىلعانىن مالىمدەدى. بۇل تۋرالى ول راديو جۇرگىزۋشىسى مارك لەۆينگە بەرگەن سۇحباتىندا ايتتى, دەپ حابارلايدى qandastar.kz يزۆەستياعا سىلتەمە جاساپ.
ترامپتىڭ سوزىنشە, 44-ءشى پرەزيدەنت دجو بايدەننىڭ كەزىندە جاھاندىق قاقتىعىس قاۋپى كۇشەيگەن.
مەنىڭ ويىمشا, بۇل ءۇشىنشى دۇنيەجۇزىلىك سوعىسقا جاقىندادى, بىراق قازىر ولاي بولمايدى. بۇل جاقسى جاڭالىق. ەندى الاڭداۋدىڭ قاجەتى جوق, – دەدى ول.
BAQ.KZ جازعانداي, اق ءۇيدىڭ ءباسپاسوز حاتشىسى كارولين ليۆيتت اقش پەن رەسەي اراسىندا ۋكرايناعا قاتىستى قاۋىپسىزدىك كەپىلدىكتەرىن تالقىلاپ جاتقانىن جەتكىزدى. ونىڭ ايتۋىنشا, مۇنداي كەپىلدىكتەردىڭ بولىگى رەتىندە اۋە قولداۋى دا قاراستىرىلۋى مۇمكىن.
ايتا كەتەيىك, 18 تامىزدا اق ۇيدە ترامپ پەن ۋكراينا پرەزيدەنتى ۆلاديمير زەلەنسكيدىڭ كەزدەسۋى ءوتىپ, جابىق ەسىك جاعدايىندا 30 مينۋتتىق كەلىسسوز جۇرگىزىلدى. كەيىن ولار ەۋروپالىق وداق ەلدەرى باسشىلارىمەن سويلەستى.
