ءۇشىنشى دۇنيەجۇزىلىك سوعىستىڭ الدىن الامىن, رەسەي مەن ۋكراينا اراسىنداعى داۋدى شەشەمىن – دونالد ترامپ

فوتو: اشىق دەرەككوز

امەريكا قۇراما شتاتتارىنىڭ پرەزيدەنتتىگىنە ۇمىتكەر دونالد ترامپ رەسەي مەن ۋكراينا اراسىنداعى سوعىستى رەتتەۋگە, سونداي-اق ءۇشىنشى دۇنيەجۇزىلىك سوعىستىڭ الدىن الۋعا تاعى دا ۋادە بەردى. بۇل تۋرالى Stan.kz اقپارات اگەنتتىگى RSBN ارناسىسىنا سىلتەمە جاساپ حابارلايدى.

جەرگىلىكتى ارنالاردىڭ حابارلاۋىنشا, ول ميچيگانداعى سايلاۋشىلارمەن كەزدەسۋىندە رەسپۋبليكاشىل اسكەري قاقتىعىستى شەشىپ قانا قويماي, ءۇشىنشى دۇنيەجۇزىلىك سوعىستىڭ الدىن الۋعا ۋادە بەردى.

«اق ۇيدەگى كابينەتكە وتىرعاننان كەيىن جانە ءبارىمىز پرەزيدەنتتىك سايلاۋدا جەڭىسكە جەتكەننەن كەيىن كوپ ۇزاماي مەن رەسەي مەن ۋكراينا اراسىنداعى وسى سۇراپىل سوعىستى شەشەمىن. مەن عانا بۇل مالىمدەمە جاساي الامىن: مەن ءۇشىنشى دۇنيەجۇزىلىك سوعىستىڭ الدىن الامىن», – دەپ ناقتىلادى دونالد ترامپ.

ساياساتكەر بۇكىل الەم ءۇشىنشى دۇنيەجۇزىلىك سوعىستىڭ باستالۋىنا وتە جاقىن ەكەنىن ايتتى. دونالد ترامپتىڭ ايتۋىنشا, ەگەر ول سايلاۋدا جەڭىسكە جەتسە, دجو بايدەن اكىمشىلىگى تۋدىرعان بارلىق حالىقارالىق داعدارىستى توقتاتامىن دەپ انت بەردى.

ەسكە سالايىق, بۇعان دەيىن پەنسيلۆانيا شتاتىندا سايلاۋالدى ناۋقاندا ءسوز سويلەگەن اقش-تىڭ بۇرىنعى پرەزيدەنتى دونالد ترامپتىڭ ومىرىنە قاستاندىق جاسالعان ەدى. فەدەرالدى تەرگەۋ بيۋروسى حابارلاعان 20 جاستاعى توماس مەتتيۋ كرۋكس ەسىمدى كۇدىكتى ناۋقان وتكىزىلگەن اۋماقتان ءجۇز مەتردەي جەردە ورنالاسقان ءۇيدىڭ شاتىرىنان ار-15 جارتىلاي اۆتوماتىنان وق اتقان. اتىس ناتيجەسىندە ميتينگكە كەلۋشىلەردىڭ ءبىرى قازا تاۋىپ, تاعى ەكەۋى جارالانعان.