Úshinshi dúnıejúzilik soǵystyń aldyn alamyn, Reseı men Ýkraına arasyndaǵy daýdy sheshemin – Donald Tramp

Foto: ashyq derekkóz

Amerıka qurama shtattarynyń prezıdenttigine úmitker Donald Tramp Reseı men Ýkraına arasyndaǵy soǵysty retteýge, sondaı-aq Úshinshi dúnıejúzilik soǵystyń aldyn alýǵa taǵy da ýáde berdi. Bul týraly Stan.kz aqparat agenttigi RSBN arnasysyna silteme jasap habarlaıdy.

Jergilikti arnalardyń habarlaýynsha, ol Mıchıgandaǵy saılaýshylarmen kezdesýinde respýblıkashyl áskerı qaqtyǵysty sheship qana qoımaı, úshinshi dúnıejúzilik soǵystyń aldyn alýǵa ýáde berdi.

«Aq úıdegi kabınetke otyrǵannan keıin jáne bárimiz prezıdenttik saılaýda jeńiske jetkennen keıin kóp uzamaı men Reseı men Ýkraına arasyndaǵy osy surapyl soǵysty sheshemin. Men ǵana bul málimdeme jasaı alamyn: Men Úshinshi dúnıejúzilik soǵystyń aldyn alamyn», – dep naqtylady Donald Tramp.

Saıasatker búkil álem Úshinshi dúnıejúzilik soǵystyń bastalýyna óte jaqyn ekenin aıtty. Donald Tramptyń aıtýynsha, eger ol saılaýda jeńiske jetse, Djo Baıden ákimshiligi týdyrǵan barlyq halyqaralyq daǵdarysty toqtatamyn dep ant berdi.

Eske salaıyq, buǵan deıin Pensılvanııa shtatynda saılaýaldy naýqanda sóz sóılegen AQSh-tyń burynǵy prezıdenti Donald Tramptyń ómirine qastandyq jasalǵan edi. Federaldy tergeý bıýrosy habarlaǵan 20 jastaǵy Tomas Mettıý Krýks esimdi kúdikti naýqan ótkizilgen aýmaqtan júz metrdeı jerde ornalasqan úıdiń shatyrynan AR-15 jartylaı avtomatynan oq atqan. Atys nátıjesinde mıtıngke kelýshilerdiń biri qaza taýyp, taǵy ekeýi jaralanǵan.