ۇشكەمپىروۆپەن قاتار التىن العان قازاق پالۋانى. ءشامىل سەرىكوۆ نەگە وزىنە قول سالدى?

فوتو: اشىق دەرەككوزدەن

1980 جىلى ماسكەۋ وليمپياداسىندا جاقسىلىق ۇشكەمپىروۆپەن بىرگە گرەك-ريم كۇرەسىنەن ءشامىل سەرىكوۆ تە التىن العان, دەپ حابارلايدى Ulysmedia.kz.

بالۋان, گرەك-ريم كۇرەسىنەن الەم جانە وليمپيادا چەمپيونى (1980), كسرو-نىڭ ەڭبەك سىڭىرگەن سپورت شەبەرى (1979) 1956 جىلى الماتى قالاسىندا دۇنيەگە كەلگەن.

بالالىق شاعى

6 جاسار جاس بالانىڭ بويىنداعى تالانتتى بايقاعان تاجىريبەلى باپكەر ايانبەك الدابەرگەنوۆ ءشامىل سەرىكوۆتى ءوز سەكتسياسىنا جاتتىعۋعا شاقىرادى. وسى باپكەردىڭ قول استىندا جاتتىققان التى جىل ىشىندە ول ءتورت رەت قازاقستان چەمپيونى بولدى, بۇكىلوداقتىق وقۋشىلار سپارتاكياداسىن جەڭدى.

1972 جىلى الدابەرگەنوۆ الماتىدان كوشىپ كەتۋىنە بايلانىستى ءشامىلدى ءوزىنىڭ ارىپتەسى الەكساندر جاركوۆقا تاپسىرادى.

ەرەسەكتەر اراسىنداعى جارىس

ءوزىنىڭ ۇلكەندەر اراسىنداعى العاشقى چەمپيوناتىندا ءساتسىز ونەر كورسەتەدى. دەگەنمەن كەلەسى جىلى وتكەن يۆان پوددۋبنىي مەموريالىندا الەم جانە وليمپيادا چەمپيونى ۆيتالي كونستانتينوۆتى جەڭەدى. كوپشىلىك مۇنى كەزدەيسوق جاعداي دەپ باعالاعان بولاتىن. الايدا ءشامىل كەلەسى جىلى كسرو چەمپيوناتىندا جەڭىمپاز بولادى. ودان جەڭىلگەن بالۋانداردىڭ ىشىندە كونستانتينوۆ تا بولادى. بۇل جول جەڭىس ايقىن باسىمدىقپەن وتكەن بولاتىن. الەم چەمپيوناتىنا ءشامىل سەرىكوۆ اتتانادى.

الەم چەمپيوناتى

ءشامىل سەرىكوۆ الەم چەمپيوناتىندا بۇرىنعى الەم چەمپيونى پولياك يۋزەف ليپەنمەن كەزدەسەدى. ودان كەيىن يتاليالىق انتونيو كالتابيانونى جەر يسىەكتەدى. فينالدا فرگ پالۋانى پاسكۋالە پاسارەلليدى 29:9 ەسەبىمەن جەڭەدى. فينالدا مۇنداي باسىمدىقپەن جەڭىسكە جەتكەن پالۋاندار بولماعان.

كەلەسى جىلى اقش-تىڭ سان-ديەگو قالاسىندا وتكەن الەم چەمپيوناتىن دا جەڭەدى. الايدا كسرو بىرىنشىلىگىندە تەك 7 ورىنعا توقتايدى.

ماسكەۋ وليمپياداسى

ماسكەۋ وليمپياداسىندا التى ول كەزدەسۋ وتكىزەدى. التاۋىن دا ايقىن باسىمدىقپەن جەڭگەن. الايدا وليپيادا جەڭىسىنەن كەيىن جاس دارىن قابىلەتىنەن ايىرىلىپ قالادى. كۇرەستەن شارشايدى. كەيىن كسرو ۇلتتىق قۇراماسىنا وتە الماعاندىقتان, قازاقستان بىرىنشىلىگىنە قاتىسىپ, 1982 جىلى قازاقستان چەمپيونى اتانادى.

1989 22 قاراشادى ءشامىل سەرىكوۆ ءوز-وزىنە قول جۇمساپ, دۇنيەدەن وتەدى.

“ومىردە ءوز ورنىن تابا المادى”…

پروفەسسور پيوتر ماتۋششاك كەيىنىرەك سپورتشى تۋرالى وچەركىندە بىلاي دەپ جازادى:

«ول وتە اشىق-جارقىن ادام ەدى. ەستە ساقتاۋ قابىلەتى تاماشا بولاتىن. ءبىزدىڭ تانىمال سپورتشىلارىمىزدىڭ تاعدىرى – ءبىزدىڭ جان دۇنيەمىزدەگى اۋىرتپالىق. ولاردىڭ ءومىرى وتە قيىن. سەرىكوۆ ءبىزدىڭ ارامىزدا ءومىر ءسۇرىپ, ەڭبەك ەتتى. ول ءوز ىسىنە بار جان-تانىمەن بەرىلگەن, وتە قاراپايىم ادام بولاتىن. بىراق, وكىنىشكە وراي, بۇل ومىردە ءوز ورنىن تابا المادى. سپورتتىق مانسابىن جالعاستىرا المادى جانە كوپتەگەن جاۋاپسىز سۇراقتار قالدىرىپ كەتتى».