Úshkempirovpen qatar altyn alǵan qazaq palýany. Shámil Serikov nege ózine qol saldy?

Foto: ashyq derekkózden

1980 jyly Máskeý Olımpıadasynda Jaqsylyq Úshkempirovpen birge grek-rım kúresinen Shámil Serikov te altyn alǵan, dep habarlaıdy Ulysmedia.kz.

Balýan, grek-rım kúresinen álem jáne olımpıada chempıony (1980), KSRO-nyń eńbek sińirgen sport sheberi (1979) 1956 jyly Almaty qalasynda dúnıege kelgen.

BALALYQ ShAǴY

6 jasar jas balanyń boıyndaǵy talantty baıqaǵan tájirıbeli bapker Aıanbek Aldabergenov Shámil Serikovti óz sekııasyna jattyǵýǵa shaqyrady. Osy bapkerdiń qol astynda jattyqqan alty jyl ishinde ol tórt ret Qazaqstan chempıony boldy, Búkilodaqtyq oqýshylar spartakıadasyn jeńdi.

1972 jyly Aldabergenov Almatydan kóship ketýine baılanysty Shámildi óziniń áriptesi Aleksandr Jarkovqa tapsyrady.

ERESEKTER ARASYNDAǴY JARYS

О́ziniń úlkender arasyndaǵy alǵashqy chempıonatynda sátsiz óner kórsetedi. Degenmen kelesi jyly ótken Ivan Poddýbnyı Memorıalynda álem jáne olımpıada chempıony Vıtalıı Konstantınovty jeńedi. Kópshilik muny kezdeısoq jaǵdaı dep baǵalaǵan bolatyn. Alaıda Shámil kelesi jyly KSRO chempıonatynda jeńimpaz bolady. Odan jeńilgen balýandardyń ishinde Konstantınov ta bolady. Bul jol jeńis aıqyn basymdyqpen ótken bolatyn. Álem chempıonatyna Shámil Serikov attanady.

ÁLEM ChEMPIONATY

Shámil Serikov álem chempıonatynda burynǵy álem chempıony polıak Iýzef Lıpenmen kezdesedi. Odan keıin ıtalııalyq Antonıo Kaltabıanony jer ısiektedi. Fınalda FRG palýany Paskýale Pasarellıdi 29:9 esebimen jeńedi. Fınalda mundaı basymdyqpen jeńiske jetken palýandar bolmaǵan.

Kelesi jyly AQSh-tyń San-Dıego qalasynda ótken álem chempıonatyn da jeńedi. Alaıda KSRO birinshiliginde tek 7 orynǵa toqtaıdy.

MÁSKEÝ OLIMPIADASY

Máskeý olımpıadasynda alty ol kezdesý ótkizedi. Altaýyn da aıqyn basymdyqpen jeńgen. Alaıda olıpıada jeńisinen keıin jas daryn qabiletinen aıyrylyp qalady. Kúresten sharshaıdy. Keıin KSRO ulttyq quramasyna óte almaǵandyqtan, Qazaqstan birinshiligine qatysyp, 1982 jyly Qazaqstan chempıony atanady.

1989 22 qarashady Shámil Serikov óz-ózine qol jumsap, dúnıeden ótedi.

“О́MIRDE О́Z ORNYN TABA ALMADY”…

Professor Pıotr Matýщak keıinirek sportshy týraly ocherkinde bylaı dep jazady:

«Ol óte ashyq-jarqyn adam edi. Este saqtaý qabileti tamasha bolatyn. Bizdiń tanymal sportshylarymyzdyń taǵdyry – bizdiń jan dúnıemizdegi aýyrtpalyq. Olardyń ómiri óte qıyn. Serikov bizdiń aramyzda ómir súrip, eńbek etti. Ol óz isine bar jan-tánimen berilgen, óte qarapaıym adam bolatyn. Biraq, ókinishke oraı, bul ómirde óz ornyn taba almady. Sporttyq mansabyn jalǵastyra almady jáne kóptegen jaýapsyz suraqtar qaldyryp ketti».