Uıatyn-aı, halyq ash, tamaqqa emes: Apple Fest festıvalinde fotostendti kelýshiler bir saǵatta joq qylǵan.

Foto: vıdeodan skrınshot

15 qyrkúıekte Tuńǵysh Prezıdent saıabaǵynda «Almaty – bizdiń ortaq úıimiz» uranymen Apple Fest festıvali ótti. 

Festıval aıasynda aýqymdy sharalar, onyń ishinde ár túrli jármeńkeler uıymdastyryldy. Shara barysynda jasalǵan fotostendti kelýshiler bir saǵatta joq qylǵan, dep habarlaıdy qandastar.kz.

@daýletten áleýmettik paraqshasynda osy jaǵdaıǵa baılanysty jazba jarııalaǵan.

foto: ashyq derekkóz

«Uıatyn-aı, halyq ash. Tamaqqa emes, rýhanııatqa, tártip pen tárbıege ash. Alma taqyrybyndaǵy fotostendti kelýshiler bir saǵatta joq qylǵan. Vıdeo Almatyda uıymdastyrylǵan  Apple Fest  festıvalinde túsirilgen, — dep jazdy depýtat.

Festıval uıymdastyrýshylarynyń aıtýynsha, ınstalıaııany jasaýǵa eki saǵat ýaqyt ketken. Biraq kelýshilerdiń qolymen bir saǵatta ǵana joq bolǵan kórinedi.

Volonterlar tegin alma almaq bolǵandardan fotostendti qorǵaı almaǵan.

Jeli qoldanýshylary bul jaǵdaıǵa baılanysty ár túrli pikir qaldyrýda. «Osy almaǵa muqtaj jan emespiz. Bazarda samsap tur. Átteń bul bizdiń mentalıtet. Tegin dese tegin oılamaı, shaba jóneletin qasıetimizden arylsaq, bizdeı tekti ult bolmasy anyq » dep dattasa, endi biri «Alýǵa bolmaıdy dese, eshkim almaıdy eshkim» dep aqtap alýda.