Uzaq uıyqtaıtyndar unatpaıdy – Vıe-premer Roman Sklıar biryńǵaı ýaqyt beldeýine qatysty

Foto: ashyq derekkóz

Premer-mınıstrdiń birinshi orynbasary Roman Sklıar elimizdegi biryńǵaı saǵat beldeýin engizýge oraı qazaqstandyqtardyń shaǵymyna qatysty pikir bildirdi. Bul týraly Stan.kz aqparat agenttigi habarlaıdy.

Úkimet otyrysynda jýrnalıster Qazaqstannyń burynǵy ýaqyt beldeýine qaıtýy qanshalyqty múmkin ekenin surap, halyqtyń basym bóligi burynǵy ýaqytty ańsaıtynyn aıtty.

“Bul – árıne, mańyzdy suraq. Qoǵamnyń basqa bir bóligi, kerisinshe, jańa ýaqyt beldeýin quptaıdy. Mysaly Tashkent pen Shymkent jaqyn ornalasqan, soǵan qaramastan ol jerde bir saǵattyq aıyrmashylyq boldy, al qazir ýaqyt aıyrmasy joq. Olar da biz sııaqty ýaqyt beldeýinde ómir súrdi, eshkim renjigen joq. Bul keıbireýler úshin qolaıly, al basqasyna qolaıly emes.

Al jeke ózime kelsek, men óte erte turyp úırengenmin, sol úshin maǵan unaıdy. Meniń keıbir dostarym uzaq uıyqtaıtyndyqtan, unatpaıdy, basqalary, kerisinshe, unatady. Iaǵnı, bul jerde áli de barlyq oń jáne teris jaǵyn tarazylaý kerek», – dedi Roman Sklıar.

Ol biryńǵaı ýaqyt beldeýiniń áserin áli de baqylaý qajet dep sanaıdy.

Eske salsaq, buǵan deıin depýtattar ýaqyt beldeýi máselesi májilis otyrysynda qaralatynyn aıtty.

1 naýryzda Qazaqstannyń barlyq aımaǵy bir ýaqyt beldeýine aýysty. Alaıda biryńǵaı ýaqyt beldeýine kóshkennen keıin qazaqstandyqtar jaryqqa kóp shyǵyndalatyn boldy. Naýryzda el turǵyndary aqpan aıymen salystyrǵanda elektr energııasyn 364 mln kVt/saǵat artyq paıdalanǵan.

Buǵan deıin biryńǵaı ýaqyt beldeýine qarsy petıııa 50 myń qol jınaǵany týraly jazǵan edik. Al mınıstrlik biryńǵaı ýaqyt beldeýine qarsy petıııany qanaǵattandyrmaı qoıdy.