«ۇزاتۋدا اق, كوك ءتۇستى كيىم كيۋگە بولمايدى» – سۆەتلانا ايتباەۆا

فوتو: اشىق دەرەككوزدەن

جاقىندا عانا جالعىز قىزىن ۇزاتقان سۆەتلانا ايتباەۆا ۇزاتىلاتىن قىزعا قاتىستى ۇمىت قالعان ءداستۇردى ەل ەسىنە سالدى, دەپ حابارلايدى Qandastar.kz

ونىڭ ايتۋىنشا, ۇزاتىلاتىن قىز تەك قىزىل ءتۇستى كيىم كيۋى كەرەك.

«ءبىزدىڭ جاقتا (رەد. باتىستا) ۇزاتىلاتىن قىز مىندەتتى تۇردە قىزىل ءتۇستى كيىم كيەدى. قازىر اق كيەدى, كوك كيەدى. ول دۇرىس ەمەس. اق كيىمدى – كەلىن بولىپ تۇسكەن كەزدە كيەدى. التايدىڭ ار جاعىنان كەلگەن ءبىر قانداسىمىز, ءبىر ۇزاتۋ تويدا قىزدىڭ اسپان تۇستەس كوك كويلەگىن كورىپ «كوك كيگەنى نەسى, بۇل دۇرىس ەمەس. قىز بالا قىزىل كيۋ كەرەك. ول جەردەگى قىزىل گۇل عوي. كوكتى – ءوسىپ-ونگەن, اسارىن اساپ, جاسارىن  جاساعان, كوككە قاراي جول تارتىپ كەلە جاتقان ماعىنادا عوي, بولمايدى عوي» دەدى. مەن تاڭقالىپ قاراعانمىن. التايدىڭ ار جاعىندا قازاق ءداستۇرىنىڭ قايماعى بۇزىلماي ساقتالىپ كەلە جاتقانى بەلگىلى عوي», — دەيدى ول.