ۇجىمدىق قاۋىپسىزدىك كەڭەسى: استانادا قاي كوشەلەر جابىلدى?

فوتو: قازاۆتوجول

بۇعان دەيىن مەملەكەتتىك كۇزەت قىزمەتى ەلوردا كوشەلەرىنىڭ جەكەلەگەن ۋچاسكەلەرىندە كولىك قوزعالىسى ۋاقىتشا جابىلاتىنىن حابارلاعان بولاتىن.

ءدال سول كۇندەرى مەكتەپتەر مەن بالاباقشالار ادەتتەگىدەي جۇمىس ىستەيدى. ۆەدومستۆو وكىلدەرى ساباقتار كەيىنگە شەگەرىلمەيتىنىن اتاپ ءوتتى.

عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى وكىلدەرى ەكى كۇن – 27 جانە 28 قاراشادا استانانىڭ بىرقاتار جوعارى وقۋ ورنى ءبىلىم بەرۋ فورماتىن وزگەرتەتىنىن حابارلادى: 4 جوعارى وقۋ ورنى – قاشىقتان, 2 جوعارى وقۋ ورنى – ءىشىنارا قاشىقتان, 2 جوعارى وقۋ ورنى – كانيكۋل (1 تريمەستر), 5 جوعارى وقۋ ورنى – وفلاين فورماتتا ءبىلىم الادى. بۇعان قوسا, حابارلامادا وقۋ فورماتىنا قاتىستى شەشىمدى جوعارى وقۋ ورىندارى قابىلدايتىنى ايتىلعان.

سونىمەن قاتار 27 قاراشادا استانا اسپانىندا قورعانىس مينيسترلىگى مايدان اۆياتسياسى ۇشادى دەپ جوسپارلاعان.