Vakansııa joq: Qýandyq Bıshimbaevqa túrmeden jumys tabylmaǵan

Foto: Joǵarǵy sot

Azamattyq nekedegi áıelin óltirgen burynǵy ulttyq ekonomıka mınıstri Qýandyq Bıshimbaev kolonııada jumys istemeıdi. Bul týraly IIM Qylmystyq-atqarý júıesi komıteti málimdedi, dep habarlaıdy Azattyq Rýhy.

Eks-mınıstr qazir qaýipsizdigi joǵary mekemede jazasyn ótep jatyr.

«Bos jumys oryndarynyń bolmaýyna baılanysty jumysqa turǵan joq. Sottalýshynyń kún tártibi QAJ mekemesiniń ishki tártip erejeleri jáne qoldanystaǵy qylmystyq-atqarý zańnamasynyń talaptaryna sáıkes saqtalady», –  delingen habarlamada.

Buǵan deıin Qýandyq Bıshimbaev kolonııada aǵash jáne metall óńdeý jumystarymen aınalysa alatyny habarlanǵan.

Esterińizge salaıyq, burynǵy ulttyq ekonomıka mınıstri Qýandyq Bıshimbaev azamattyq nekedegi áıeli Saltanat Núkenovany óltirgeni úshin 24 jylǵa sottaldy. Qylmys 2023 jyly 9 qarashada elordanyń sol jaǵalaýyndaǵy meıramhanada jasalǵan bolatyn.

Al Bıshimbaevtyń týysy Baqytjan Baıjanov qylmysty jasyrǵany úshin 4 jylǵa bas bostandyǵynan aıyryldy.