Vandalızmmen kúres: «Jańa adamdar» tártip buzýshyǵa sabaq bolatyn áreket jasady

Foto: ashyq derekkóz

11 qyrkúıekte Astana turǵyny Ibadýlla P. mas kúıde Aqjol dańǵylyndaǵy aıaldamany syndyrdy. Buzaqy ustalyp, 15 táýlikke qamaýǵa alynǵan edi. 26 qyrkúıekte ony bas bostandyǵynan aıyrý merzimi aıaqtaldy. Alaıda Ibadýlla P.-nyń shytyrmany munymen bitken joq. Ýaqytsha ustaý ızolıatorynan shyǵa beriste buzaqyny aıaldama kostıýmin kıgen «Jańa adamdar» belsendileri qarsy aldy, – dep habarlaıdy qandastar.kz.

Olar buzaqydan  aǵasy aldynda keshirim suraýyn talap etýge keldi. Mundaı kútip alýdy kútpegen tártip buzýshy basynda ózin aqtap alǵysy kelgenimen, jaǵdaıdyń ýshyǵyp bara jatqanyn túsinip, júreksinip, ádettegideı temirin «sermeýdiń» ornyna qashyp ketti. «Jańa adamdar» mundaı fleshmob qalalyq ınfraqurylymdy buzǵandardyń ákimshilik jazasyna jaqsy qosymsha bolyp, jabaıy áreketterdiń qaıtalanýyn boldyrmaýǵa kómektesedi dep úmittenedi.

«VandalızmOFF» jobasy eske salady: qala ınfraqurylymynyń ár talqandalýy – barlyq azamattardyń qaltasyna soqqy. Bir aıaldamanyń ortasha quny shamamen 3 mln teńgeni quraıdy, bul aqshany buzaqylar shabýylynan keıingi jóndeý jumystaryna emes, qalany damytýǵa jumsaýǵa bolar edi…

Beınerolıke silteme: https://drive.google.com/drive/folders/1LgLnASkqU8Sge6L54lFpELjMtJsGVMQ0?usp=drive_link