الەم جاڭالىقتارى
ۆاشينگتوندا اپاتقا ۇشىراعان اۋە كەمەسىنىڭ قارا جاشىكتەرى تابىلدى
ABC News دەرەگىنشە, قازىر ولار پارامەترلىك كولىك قاۋىپسىزدىگى جونىندەگى ۇلتتىق كەڭەستىڭ زەرتحاناسىنا جىبەرىلدى. ءدال سول جەردە ۇشاق اپاتىنىڭ ءمان-جايى زەرتتەلۋدە.
تەرگەۋشىلەر دەرەكتەردى دەكودتاۋ قايعىلى وقيعانىڭ سەبەپتەرىن انىقتاۋعا كومەكتەسەدى دەپ بولجاپ وتىر.
اقش ۇلتتىق كولىك قاۋىپسىزدىگى كەڭەسىنىڭ قىزمەتكەرى تودد ينمەننىڭ ايتۋىنشا, وقيعانىڭ ءمان-جايى تۋرالى 30 كۇن ىشىندە اقپارات بەرىلەدى. قازىرگە اۋە اپاتىنىڭ سەبەبى ءالى بەلگىسىز.
ءوز كەزەگىندە ترامپ ەلدەگى اۋە قاۋىپسىزدىگىن تەكسەرۋ تۋرالى جارلىققا قول قويدى. قۇجات اق ءۇيدىڭ سايتىندا جاريالانعان. سونداي-اق, ول ۇشاق اپاتىنان قازا تاپقان رەسەيلىكتەردىڭ دەنەسىن ءوز ەلدەرىنە جەتكىزۋگە جاردەمدەسەتىنىن ايتتى.
ايتا كەتسەك, 30 قاڭتارعا قاراعان ءتۇنى ۆاشينگتوندا رەيگان اۋەجايىنا ۇشىپ شىققان جولاۋشىلار ۇشاعى اسكەري تىكۇشاقپەن سوقتىعىسىپ, پوتوماك وزەنىنە قۇلادى.
