Veıpterge tyıym salyndy. Jańa zań Qazaqstanda qandaı ózgeristerge ákeledi?

Búgin, 20 maýsymda Qazaqstanda veıpter men shekpeıtin temeki ónimderin satýǵa jáne jarnamalaýǵa tyıym salatyn zań resmı túrde kúshine endi. Esterińizge sala keteıik, Qasym-Jomart Toqaev tıisti zańǵa 19 sáýirde qol qoıǵan bolatyn. Búgin ol resmı túrde kúshine endi.

Zańda shegýge kelmeıtin temeki ónimderin, veıpterdi, hosh ıistendirgishterdi jáne olarǵa arnalǵan suıyqtyqtardy satýǵa, taratýǵa, sondaı-aq olardy jarnamalaýǵa tyıym salý qarastyrylǵan. Biraq, bul zańda elektrondy temekini shekken azamattarǵa qylmystyq jaýapkershilik qarastyrylmaǵan.

Qylmystyq kodekstiń 301-1 baby shegilmeıtin temeki buıymdaryn, elektrondyq tutyný júıelerin (veıpterdi), olarǵa arnalǵan hosh ıistendirgishter men suıyqtyqtardy satý jáne taratqany úshin 200 AEK deıingi mólsherde aıyppul salýǵa ne sol mólsherde túzeý jumystaryna, ne 200 saǵatqa deıingi merzimge qoǵamdyq jumystarǵa tartýǵa, ne 50 táýlikke deıingi merzimge qamaqqa alýǵa jazalanady.

Bul rette shegilmeıtin temeki buıymdaryn, elektrondyq tutyný júıelerin (veıpterdi), olarǵa arnalǵan hosh ıistendirgishter men suıyqtyqtardy ákelý, óndirgeni úshin múlki tárkilenip nemese onsyz, 2000 AEK deıingi mólsherde aıyppul salýǵa ne sol mólsherde túzeý jumystaryna, ne 600 saǵatqa deıingi merzimge qoǵamdyq jumystarǵa tartýǵa, ne 2 jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrýǵa jazalanady.

Tyıymnyń negizgi sebebi — óskeleń urpaqtyń densaýlyǵyn saqtaý.