الەم جاڭالىقتارى
ۆەنەتسيانى سۋ باستى
ۆەنەتسيا جاۋىن سالدارىنان سۋ استىندا قالدى, دەپ حابارلايدى «حابار 24».
جەرگىلىكتى بيلىكتىڭ مالىمەتىنە ساي, وڭىردەگى سۋ دەڭگەيى 127 سانتيمەترگە جەتكەن. تولاسسىز جاڭبىر كەسىرىنەن قالا ورتالىعىنداعى كوپتەگەن نىسانداردى سۋ باسىپتى. ولاردىڭ اراسىندا تانىمال اۋليە مارك شىركەۋى دە بار. جالپى, جاۋىن ازابىن ۆەنەتسياداعى جاياۋ جۇرگىنشىلەر دە تارتىپ جاتىر. تىزەدەن اساتىن سۋعا شىلقىماس ءۇشىن ولار رەزەڭكە ەتىك كيۋگە ءماجبۇر.
جالپى مامانداردىڭ ايتۋىنشا, ۆەنەتسيادا سۋ تاسقىنى سيرەك كەزدەسەتىن قۇبىلىس ەمەس. وعان كوبىنە تولاسسىز جاڭبىر مەن تەڭىز سۋىنىڭ كوتەرىلۋى سەبەپ بولادى ەكەن.
