ۆەتنامداعى نۇرلان قويانباەۆقا ۇقساس ادام جەلىنى جاردى

جەلىدە پروديۋسەر, تەلەجۇرگىزۋشى نۇرلان قويانباەۆقا ۇقسايتىن ادامنىڭ ۆيدەوسى تارادى. جەلى قولدانۋشىلارى ۆەتنامدا اۆتوبۋس جۇرگىزەتىن ادامدى پروديۋسەردىڭ «ەگىزى» دەپ اتادى, دەپ جازدى qandastar.kz

Instagram-داعى Asospanov پاراقشاسىندا جاريالانعان ۆيدەو بىرنەشە كۇننىڭ ىشىندە 860 مىڭنان استام قارالىم جيناپ ۇلگەردى.

«نۇرلان قويانباەۆتىڭ ۆەتنامدىق نۇسقاسى», — دەپ جازىلعان ۆيدەو سيپاتتاماسىندا.

بەينەجازبا اۆتورى كادرداعى ەر ادامنىڭ ۆەتنامدا اۆتوبۋس جۇرگىزۋشىسى ەكەنىن ايتادى.

«ۆەتنامعا كەلسەم, نۇرلان قويانباەۆ ءجۇر ەكەن, مىنە مىنا كىسى, وسىندا اۆتوبۋس ايدايدى ەكەن», — دەپ تانىستىرادى اۆتور شەتەل ازاماتىن.

بەينەكامەراعا قاراپ, ەزۋ تارتىپ كۇلگەن ۆەتنامدىقتى جەلى قولدانۋشىلارى راسىندا دا نۇرلان قويانباەۆقا ۇقساتقان.

«ۆەتنامداعى قازاقشا بيزنەس» ءفيلمىن تۇسىرەيىن دەپ تۇر عوي», «ەندى وسى جىگىتتى نۇرلان قويانباەۆ تاۋىپ الىپ, ءبىر جاڭا ستسەناري قۇرادى», «تىستەرىنە دەيىن ۇقسايدى ەكەن», «نۇرەكە» دەسە, جالت قاراي ما?» — دەپ پىكىر قالدىرعان جەلى قولدانۋشىلارى.

ۆيدەونى نۇرللان قويانباەۆتىڭ ءوزى دە كورگەن, اكتەر بەينەجازباعا ءوزىنىڭ Instagram-داعى پاراقشاسىن بەلگىلەپ كەتكەن.