Vetnamdaǵy Nurlan Qoıanbaevqa uqsas adam jelini jardy

Jelide prodıýser, telejúrgizýshi Nurlan Qoıanbaevqa uqsaıtyn adamnyń vıdeosy tarady. Jeli qoldanýshylary Vetnamda avtobýs júrgizetin adamdy prodıýserdiń «egizi» dep atady, dep jazdy qandastar.kz

Instagram-daǵy Asospanov paraqshasynda jarııalanǵan vıdeo birneshe kúnniń ishinde 860 myńnan astam qaralym jınap úlgerdi.

«Nurlan Qoıanbaevtyń vetnamdyq nusqasy», — dep jazylǵan vıdeo sıpattamasynda.

Beınejazba avtory kadrdaǵy er adamnyń Vetnamda avtobýs júrgizýshisi ekenin aıtady.

«Vetnamǵa kelsem, Nurlan Qoıanbaev júr eken, mine myna kisi, osynda avtobýs aıdaıdy eken», — dep tanystyrady avtor shetel azamatyn.

Beınekameraǵa qarap, ezý tartyp kúlgen vetnamdyqty jeli qoldanýshylary rasynda da Nurlan Qoıanbaevqa uqsatqan.

«Vetnamdaǵy qazaqsha bıznes» fılmin túsireıin dep tur ǵoı», «Endi osy jigitti Nurlan Qoıanbaev taýyp alyp, bir jańa senarıı qurady», «Tisterine deıin uqsaıdy eken», «Nureke» dese, jalt qaraı ma?» — dep pikir qaldyrǵan jeli qoldanýshylary.

Vıdeony Nurllan Qoıanbaevtyń ózi de kórgen, akter beınejazbaǵa óziniń Instagram-daǵy paraqshasyn belgilep ketken.