الەم جاڭالىقتارى
ۆيكتور يانۋكوۆيچ 15 جىلعا سوتتالدى
فوتو:Global look press
ۋكراينا سوتى ەكس-پرەزيدەنت ۆيكتور يانۋكوۆيچتى 15 جىلعا باس بوستاندىعىنان ايىردى, دەپ جازدى qandastar.kz
الايدا, ۇكىم سىرتتاي قابىلداندى. كيەۆتىڭ پودولسك اۋداندىق سوتى يانۋكوۆيچتى «اسكەري قىزمەتكەرلەردى قاشۋعا ۇگىتتەدى» جانە «مەملەكەتتىك شەكارانى زاڭسىز كەسىپ ءوتۋدى ۇيىمداستىردى» دەگەن ايىپتاۋلار بويىنشا كىنالى دەپ تاپتى. بۇل مالىمەتتى ۋكراينا باس پروكۋراتۋراسىنىڭ كەڭسەسى تاراتتى. ايتا كەتسەك, 2019 جىلى ۋكراينا سوتى يانۋكوۆيچتى مەملەكەتكە وپاسىزدىق جاساۋ جانە اگرەسسيۆتى سوعىس جۇرگىزۋگە كومەكتەسۋ ءىسى بويىنشا 13 جىلعا باس بوستاندىعىنان ايىرۋ جازاسىنا كەسكەن بولاتىن. ۆيكتور يانۋكوۆيچ 2010-2014 جىلدارى ارالىعىندا ۋكراينا پرەزيدەنتى بولدى.
