جاڭالىقتار
ۆيتسە-مينيستر: سپورت مەكتەپتەرىنىڭ ديرەكتورلارى ءار 5 جىل سايىن اۋىسپاق
فوتو: اشىق دەرەككوز
ەندى سپورت مەكتەپتەرىنىڭ ديرەكتورلارى ءار 5 جىل سايىن اۋىسپاق, دەپ جازدى qandastar.kz
ەلىمىزدە 521 بالالار مەن جاسوسپىرىمدەردىڭ سپورت مەكتەبى بار. ەندى بۇل مەكەمەلەردىڭ ديرەكتورلارى 5 جىل سايىن روتاتسيا تارتىبىنە ساي اۋىساتىن بولادى. بۇل تۋرالى تۋريزم جانە سپورت ۆيتسە-ءمينيسترى سەرىك جاراسباەۆ ايتتى.
«مەكەمەلەردىڭ باسشىلارى ەش ناتيجە كورسەتپەي, كەيبىر ايماقتاردا 20 جىلدان استام ءبىر ۇيىمدى باسقارىپ كەلگەن. اكىمدەر, سپورت باسقارماسىنىڭ باسشىلارى اۋىسادى, بىراق مەكتەپ ديرەكتورلارى اۋىسپاعان. ايماقتاردىڭ اتاۋىن ايتپاي-اق قويايىن. ءبىر ديرەكتور 28 جىل وتىرعان. ەشقانداي ناتيجە كورسەتپەگەن, سول ۋاقىت ىشىندە ول جەردە دامۋ دا بولماعان», — دەدى ۆيتسە-مينيستر.
سوزىنشە, روتاتسيالاۋ تەتىگىنە قاتىستى وقۋ-اعارتۋ مينيسترلىگىنىڭ تاجىريبەسى باسشىلىققا الىنعان. ەندى KPI-دى ورىنداماعاندار ءارى قاراي ءوز جۇمىسىن جالعاستىرا المايدى. وڭ ناتيجە كورسەتكەندەر پرولونگاتسيا ارقىلى تاعى 5 جىل سول لاۋازىمدا قالا بەرەدى. ونداي بولماعان جاعدايدا باسقا مەكەمەگە اۋىستىرىلادى نەمەسە جۇمىستان بوساتىلماق.
