ۆيتسە-مينيستر: سۋ دەڭگەيىنە مونيتورينگ جۇرگىزەمىز

سونىمەن قاتار  سۋ وتكىزۋ قابىلەتىن جاقسارتۋ ءۇشىن 239 شاقىرىم وزەن ارناسى تازارتىلعان.

ەلىمىزدىڭ 16 وڭىرىندە جالپى ۇزىندىعى 584 شاقىرىم بولاتىن 384 بوگەت جوندەلىپ, قايتا تۇرعىزىلدى. جەرگىلىكتى اكىمدىكتەرمەن بىرلەسىپ, 6 وبلىستىڭ (اقمولا, اقتوبە, باتىس قازاقستان, پاۆلودار, سولتۇستىك قازاقستان جانە قوستاناي) 84 ەلدى مەكەنىندە قورعانىس بوگەتتەرى مەن گيدروتەحنيكالىق قۇرىلىستاردى سالۋ, رەكونسترۋكتسيالاۋ جانە قالپىنا كەلتىرۋ بويىنشا 57 جوبا ىسكە اسىرىلۋدا. بۇل جۇمىستار 359 مىڭ ادامنىڭ قاۋىپسىزدىگىن قامتاماسىز ەتۋگە مۇمكىندىك بەرەدى.

2024 جىلى قازاقستاننىڭ 14 وبلىسىندا 84 سۋ شارۋاشىلىعى نىسانىنا كوپ فاكتورلى زەرتتەۋ جۇرگىزىلدى. بيىل 105 گيدروقۇرىلىستى كوپ فاكتورلى زەرتتەۋدەن وتكىزۋ جوسپارلانىپ وتىر.

 «ەلىمىزدىڭ بارلىق سۋ قويمالارى بەكىتىلگەن كەستەگە ساي جۇمىس ىستەپ تۇر. سۋ دەڭگەيىنە تۇراقتى مونيتورينگ جانە تاۋلىك بويى كەزەكشىلىك جۇرگىزىلەدى. بوس ورىندار دايىنداۋ ءۇشىن سۋ قويمالارىنان سۋ جىبەرۋ جۇمىسى جالعاسۋدا. بۇل سۋ تاسقىنى كەزىندە سۋدى قاۋىپسىز وتكىزۋگە مۇمكىندىك بەرەدى», – دەدى سۋ رەسۋرستارى جانە يرريگاتسيا ۆيتسە-ءمينيسترى نۇرلان الدامجاروۆ.