جاڭالىقتار
«ۆوكزالعا بومبا قويىلعان»: الماتى تۇرعىنى جالعان حابار بەرگەنى ءۇشىن سوتتالدى
الماتى قالاسىنىڭ 44 جاستاعى تۇرعىنى تەمىرجول ۆوكزالدارىندا جارىلعىش زات قويىلعانى تۋرالى بىرنەشە جالعان حابار بەرگەنى ءۇشىن 4 جىلعا باس بوستاندىعىنان ايىرىلدى, دەپ حابارلايدى Qandastar.kz اقپارات پورتالى turkystan.kz-كە سىلتەمە جاساپ.
ول جازاسىن وتەۋ بارىسىندا ءتورت رەت تاكسوفون ارقىلى قوڭىراۋ شالىپ, جارىلعىش زات قويىلعانى جايلى حابارلاعان.
ونىڭ ارەكەتتەرى ەۆاكۋاتسيا مەن توتەنشە قىزمەتتەردىڭ جۇمىلدىرىلۋىنا سەبەپ بولدى. جالعان دابىلدىڭ سالدارىنان مەملەكەتتىك ورگاندارعا كەلتىرىلگەن شىعىن 3,3 ملن تەڭگەدەن استى.
جۇرگىزىلگەن ساراپتامالار قوڭىراۋ شالعان ادامنىڭ جەكە باسىن جانە ونىڭ سوزدەرىندە تىكەلەي قاۋىپتىڭ بولعانىن راستادى.
سوت ەر ادامدى قازاقستان رەسپۋبليكاسى قىلمىستىق كودەكسىنىڭ 273-بابى بويىنشا كىنالى دەپ تانىدى.
سوتتالۋشى مەملەكەتكە كەلتىرىلگەن شىعىندى وتەۋگە جانە وتەماقى تولەۋگە مىندەتتى.
