West Oil Software qyzmetkerleri «QazMunaıGaz» ókilderimen kelissózder júrgizýden bas tartty

Búgin, 20 jeltoqsanda Qaraqııa aýdanynyń ákimi Symbat Tóretaevtyń bastamasymen West Oil Software qyzmetkerlerimen kelissózder proesin júrgizýge áreket jasaldy, alaıda jumysshylar «QazMunaıGaz» shtatyna jumysqa ornalasýdy talap etip, kelissózderden bas tartty, dep habarlaıdy Qaraqııa aýdany ákimdiginiń baspasóz qyzmeti.

Keshe, 19 jeltoqsanda Qaraqııa aýdanynyń ákimi Symbat Tóretaev West Oil software narazylyq bildirýshi qyzmetkerleriniń ókilderimen kezdesý ótkizdi. Tóretaev narazylyq bildirýshilerdi jaǵdaıdy syndarly baǵytqa aýystyrýǵa, kelissózder ústelinde bárin sheshýge shaqyrdy. Qyzmetkerler ákimniń usynysymen kelisti.

20 jeltoqsan kúni tańerteń «QazMunaıGaz» AQ tóraǵasynyń orynbasary Dáýletjan Hasanov, «Mańǵystaýmunaıgaz» AQ basshysy Murat Mustafaev, West Oil software basshylyǵy jáne Qaraqııa aýdanynyń ákimi Symbat Tóretaev zańsyz ereýil ótetin jerge kelip, narazylyq bildirýshilerdi óz qatarynan belsendilerdi tańdap, kelissózder proesin bastaýǵa shaqyrdy.

Alaıda, West Oil Software qyzmetkerleri narazylyq akııasyn zańdastyrýdy talap etip, kelissózderdi bastaýdan bas tartty. Dáýletjan Hasanov óz kezeginde ereýil sottyń sheshimimen zańsyz dep tanylǵanyn jáne ony tek joǵary turǵan sot satysyna aryz berý arqyly joıýǵa bolatynyn túsindirdi.

— Kelisim komıssııasynyń jumysy aıasynda kelissózder proesin bastaýdy usynamyz. Bul jaǵdaıdy retteýdiń zańdy tásili, ony paıdalaný qajet, — dedi Hasanov jınalǵandarǵa.

Alaıda, WOS qyzmetkerleri «QazMunaıGaz» AQ shtatyna jumysqa ornalasýdy talap etip, kelissózderden bas tartty.

WOS-tyń birqatar qyzmetkerleriniń «QazMunaıGaz» UK AQ-nyń eńbekaqy tóleýdiń biryńǵaı júıesimen (ESOT) eńbekaqyny teńestirý, QMG enshiles kásipornynyń shtatyna kirý sııaqty qosymsha talaptary negizsiz bolyp tabylatynyn atap ótý qajet.

Akııanyń ózi, 2023 jyldyń 11 jeltoqsanda Mańǵystaý oblysy Qaraqııa aýdanynyń soty zańsyz dep tanyldy.

Sondaı-aq, WOS-tyń keıbir qyzmetkerleri buryn Qazmunaıgazdyń enshiles uıymdarynyń qyzmetkerleri bolǵanyn jáne 2018 jyly 5/50 baǵdarlamasyn paıdalanyp, óz erkimen jumystan shyqqanyn jáne atalǵan baǵdarlama aıasynda bes jyldyq jalaqysynyń 50% alǵanyn atap ótken jón. Ortasha alǵanda, bir adamǵa tólenetin tólem somasy shamamen 11 mln teńgeni qurady. Osy sebepti QazMunaıGazdyń ETU shtatyna kóshýi týraly talaptar da múmkin emes.

Osy kúngi ereýilge baılanysty «West Oil Software» JShS kúnine shamamen 23 mln teńge shyǵyn ákelip otyr.
Bul faktor kompanııanyń jáne onyń qyzmetkerleriniń, sonyń ishinde ereýilge qatyspaıtyn tikeleı WOS qyzmetkerleriniń qarjylyq jaǵdaıyna nuqsan keltiredi.