جاڭالىقتار
WhatsApp ارقىلى تانىسىن تىلدەگەن ازاماتقا 500 مىڭ تەڭگە ايىپپۇل سالىندى
فوتو:istockphoto.com
استانا قالاسىنىڭ قىلمىستىق ىستەر جونىندەگى اۋدانارالىق سوتى قورلاۋ فاكتىسى بويىنشا قىلمىستىق ءىستى قارادى, دەپ حابارلايدى qandastar.kz
2024 جىلعى 8 قىركۇيەك پەن 20 قازان ارالىعىندا سوتتالۋشى ك. «WhatsApp» ءموبيلدى قوسىمشاسى ارقىلى م.-عا ماتىندىك جانە اۋديو حابارلامالار جىبەرگەن. وندا بەيادەپ سوزدەر ايتىپ, م-دى ادەپسىز تۇردە قورلاپ, وسىلايشا ونىڭ ار-نامىسى مەن قادىر-قاسيەتىنە تيىسكەن.
جابىرلەنۋشى سوتتا مورالدىق زيان ءۇشىن 150 000 تەڭگە, وكىلدىك شىعىستارىنا 250 000 تەڭگە, سونداي-اق پسيحولوگيالىق-فيلولوگيالىق ساراپتاما جۇرگىزۋگە 130 000 تەڭگە مولشەرىندە ءىس جۇرگىزۋ شىعىندارىن ءوندىرۋدى سۇرادى.
سوت ايىپتالۋشىنى كىنالى دەپ تانىپ, وعان 20 اەك مولشەرىندە (73 840 تەڭگە سوماسىندا) ايىپپۇل سالدى.
سونداي-اق جابىرلەنۋشىنىڭ پايداسىنا مورالدىق زيان ءۇشىن 100 000 تەڭگە, وكىلدىك شىعىستارىنا 250 000 تەڭگە, ساراپتاما جۇرگىزۋگە 130 000 تەڭگە ءوندىرىلدى.
سوت ۇكىمى زاڭدى كۇشىنە ەنگەن جوق.
