WhatsApp arqyly tanysyn tildegen azamatqa 500 myń teńge aıyppul salyndy

Foto:istockphoto.com

Astana qalasynyń qylmystyq ister jónindegi aýdanaralyq soty qorlaý faktisi boıynsha qylmystyq isti qarady, dep habarlaıdy qandastar.kz

2024 jylǵy 8 qyrkúıek pen 20 qazan aralyǵynda sottalýshy K. «WhatsApp» mobıldi qosymshasy arqyly M.-ǵa mátindik jáne aýdıo habarlamalar jibergen. Onda beıádep sózder aıtyp, M-dy  ádepsiz túrde qorlap, osylaısha onyń ar-namysy men qadir-qasıetine tıisken.

Jábirlenýshi sotta moraldyq zııan úshin 150 000 teńge, ókildik shyǵystaryna 250 000 teńge, sondaı-aq psıhologııalyq-fılologııalyq saraptama júrgizýge 130 000 teńge mólsherinde is júrgizý shyǵyndaryn óndirýdi surady.

Sot aıyptalýshyny kináli dep tanyp, oǵan 20 AEK mólsherinde (73 840 teńge somasynda) aıyppul saldy.

Sondaı-aq jábirlenýshiniń paıdasyna moraldyq zııan úshin 100 000 teńge, ókildik shyǵystaryna 250 000 teńge, saraptama júrgizýge 130 000 teńge óndirildi.

Sot úkimi zańdy kúshine engen joq.