ياندەكس جۇيەسى مەملەكەتتىك جۇمىسپەن قامتۋ باعدارلامالارىنان تيىمدىرەك بولىپ شىقتى – دەپۋتات

فوتو: حقكو

دەپۋتات ەلنۇر بەيسەنباەۆ مەملەكەتتىك جۇمىسپەن قامتۋ باعدارلامالارىن سىنعا الدى, دەپ حابارلايدى Egemen.kz.

دەپۋتات مەملەكەت باسشىسى 2029 جىلعا قاراي 3,3 ميلليون جاڭا جۇمىس ورنىن نەمەسە جىل سايىن كەمىندە 470 مىڭ جۇمىس ورنىن اشۋ بويىنشا ناقتى تاپسىرما بەرگەنىن ەسكە سالدى.

سونداي-اق دەپۋتات مەملەكەتتىك بيۋدجەتتىڭ 40%-ى الەۋمەتتىك سالاعا كەتەتىنىنە قاراماستان, قۇرىلاتىن جاڭا جۇمىس ورىندارىنىڭ شامامەن 80%-ى ۋاقىتشا ەكەنىن تىلگە تيەك ەتتى.

«ۇكىمەت ءۇشىن ءبىر پلاتفورمانىڭ ايقىن مىسالىن كەلتىرگىم كەلەدى. ماسەلەن, ياندەكس جۇيەسى جۇمىسپەن قامتۋدىڭ بارلىق مەملەكەتتىك باعدارلامالارىنا قاراعاندا جۇمىسقا ورنالاسۋدا الدەقايدا ءتيىمدى بولىپ شىقتى. بەيرەسمي دەرەكتەرگە كوز جۇگىرتسەك, بۇل جۇيەدە 700 مىڭنان استام قازاقستان ازاماتى جۇمىس ىستەيدى, ولار 2023 جىلدىڭ قورىتىندىسى بويىنشا شامامەن 1 تريلليون تەڭگە, ال ياندەكستىڭ ءوزى شامامەن 400 ميلليارد تەڭگە تابىس تاپتى», دەدى ەلنۇر بەيسەنباەۆ.

دەپۋتات قازىردىڭ وزىندە بۇل جۇيەنى 12 ميلليوننان استام ازامات پايدالانىپ جاتقانىن اتاپ ءوتتى.