Iandeks júıesi memlekettik jumyspen qamtý baǵdarlamalarynan tıimdirek bolyp shyqty – depýtat

Foto: HQKO

Depýtat Elnur Beısenbaev memlekettik jumyspen qamtý baǵdarlamalaryn synǵa aldy, dep habarlaıdy Egemen.kz.

Depýtat Memleket basshysy 2029 jylǵa qaraı 3,3 mıllıon jańa jumys ornyn nemese jyl saıyn keminde 470 myń jumys ornyn ashý boıynsha naqty tapsyrma bergenin eske saldy.

Sondaı-aq depýtat memlekettik bıýdjettiń 40%-y áleýmettik salaǵa ketetinine qaramastan, qurylatyn jańa jumys oryndarynyń shamamen 80%-y ýaqytsha ekenin tilge tıek etti.

«Úkimet úshin bir platformanyń aıqyn mysalyn keltirgim keledi. Máselen, Iandeks júıesi jumyspen qamtýdyń barlyq memlekettik baǵdarlamalaryna qaraǵanda jumysqa ornalasýda áldeqaıda tıimdi bolyp shyqty. Beıresmı derekterge kóz júgirtsek, bul júıede 700 myńnan astam Qazaqstan azamaty jumys isteıdi, olar 2023 jyldyń qorytyndysy boıynsha shamamen 1 trıllıon teńge, al Iandekstiń ózi shamamen 400 mıllıard teńge tabys tapty», dedi Elnur Beısenbaev.

Depýtat qazirdiń ózinde bul júıeni 12 mıllıonnan astam azamat paıdalanyp jatqanyn atap ótti.