جاڭالىقتار
«YouTube كورىپ ەمشى بولعان»: بەلگىلى اكتەردىڭ جانايقايى جەلىنى شۋلاتتى
حالىق اراسىندا ء“شىمان اجە” وبرازىمەن كەڭىنەن تانىمال اكتەر ەربولات تولەگەن جالعان ءمانۋاليستىڭ قۇربانى بولدى, دەپ جازادى Qandastar.kz.
اكتەر ءوز Instagram پاراقشاسىندا وزىن شىرىلداتىپ “ەمدەپ جاتقان” ۆيدەوسىن جاريالاپ, حالىقتى ەمشىسىماقتارعا الدانباۋعا شاقىرعان. دەرتىنە داۋا ىزدەپ بارىپ, جارىمجان بولا جازداعان ءمانۋاليستىڭ اتىن اتاپ, ەل-جۇرت الدىندا ءىسىن اشكەلەگەن.
قۇرمەتتى اعايىن!
سىزدەرگە ءبىر ءوتىنىشىم بار – وسىنداي جالعان ەمشىسىماقتارعا سەنبەڭىزدەرشى.
باسىندا بۇل تۋرالى الەۋمەتتىك جەلىگە جازباي-اق قويايىن دەپ ەدىم. بىراق امال جوق, ءۇنسىز قالۋعا بولمايتىن جاعداي بولدى. ءبىزدىڭ ۆيدەولارىمىزدى رۇقساتسىز Instagram-عا سالىپ, “وسىلاردى اياققا تۇرعىزدىم” دەپ, ءوزىن كەرەمەت ەتىپ كورسەتىپ ءجۇر ەكەن.
سول كەزدە “ويباي, الماتىعا ءبىر كەرەمەت مانۋاليست كەلىپتى” دەپ, بالالار قويماي, مەنى ەرتىپ اپارعان ەدى. سويتسەم, بۇل ادام YouTube-تان 4-5 ۆيدەو كورىپ الىپ, اياق استىنان “ەمشى” بولىپ كەتكەن ەكەن.
ناعىز ەمشىسىماق.
سول ادامعا الدانىپ, ەمدەلۋگە بارماڭىزدار!
مەن ءوزىمنىڭ وڭ قولىمنىڭ ءسىڭىرىن جىرتىپ الدىم. سونىڭ سالدارىنان 2-3 جىل بويى وڭ قولىمدى دۇرىس جۇمىس ىستەتە الماي, قاتتى قينالدىم. قازىر ەندى سول قولىمنىڭ يىعىن كوتەرە الماي ءجۇرمىن. 4-5 جىلدان بەرى ناقتى ەمىن تابا الماي كەلەم. پلازما تەراپيا دا, بلوكادا دا كومەكتەسپەدى.
ايتارىم – جالعان ەمشىلەرگە الدانباڭىزدار!
ءوتىنىش.
ەسىمى – وڭلاسبەك (@onlasbek_manualist).
قازىر مەنى Instagram-دا بلوكقا قويىپ تاستاپتى.
شىمكەنتتە “انانى ەمدەدىم, مىنانى ەمدەدىم” دەپ, ءالى كۇنگە دەيىن الداپ ءجۇر ەكەن…
