«YouTube kórip emshi bolǵan»: Belgili akterdiń janaıqaıy jelini shýlatty

Halyq arasynda “Shimán áje” obrazymen keńinen tanymal akter Erbolat Tólegen jalǵan manýalıstiń qurbany boldy, dep jazady Qandastar.kz.

Akter óz Instagram paraqshasynda ózin shyryldatyp “emdep jatqan” vıdeosyn jarııalap, halyqty EMShISYMAQTARǴA aldanbaýǵa shaqyrǵan. Dertine daýa izdep baryp, jarymjan bola jazdaǵan manýalıstiń atyn atap, el-jurt aldynda isin áshkelegen.

Qurmetti aǵaıyn!

Sizderge bir ótinishim bar – osyndaı jalǵan emshisymaqtarǵa senbeńizdershi.

Basynda bul týraly áleýmettik jelige jazbaı-aq qoıaıyn dep edim. Biraq amal joq, únsiz qalýǵa bolmaıtyn jaǵdaı boldy. Bizdiń vıdeolarymyzdy ruqsatsyz Instagram-ǵa salyp, “osylardy aıaqqa turǵyzdym” dep, ózin keremet etip kórsetip júr eken.

Sol kezde “Oıbaı, Almatyǵa bir keremet manýalıst kelipti” dep, balalar qoımaı, meni ertip aparǵan edi. Sóıtsem, bul adam YouTube-tan 4-5 vıdeo kórip alyp, aıaq astynan “emshi” bolyp ketken eken.

Naǵyz EMShISYMAQ.

Sol adamǵa aldanyp, emdelýge barmańyzdar!

Men ózimniń oń qolymnyń sińirin jyrtyp aldym. Sonyń saldarynan 2-3 jyl boıy oń qolymdy durys jumys istete almaı, qatty qınaldym. Qazir endi sol qolymnyń ıyǵyn kótere almaı júrmin. 4-5 jyldan beri naqty emin taba almaı kelem. Plazma terapııa da, blokada da kómektespedi.

Aıtarym – jalǵan emshilerge aldanbańyzdar!

О́TINISh.

Esimi – Ońlasbek (@onlasbek_manualist).

Qazir meni Instagram-da blokqa qoıyp tastapty.

Shymkentte “anany emdedim, mynany emdedim” dep, áli kúnge deıin aldap júr eken…