«ىسىراپ»: بايان ماقساتقىزىنىڭ كيىمى 70 ملن تەڭگەگە باعالاندى

فوتو: اشىق دەرەككوز

تانىمال پروديۋسەر بايان ماقساتقىزىنىڭ كيگەن كيىمى مەن تاققان القا-مونشاقتارىنىڭ, ساعاتىنىڭ قۇنى بەلگىلى بولدى. بلوگەر جانسايا امىرشارىپقىزى Tiktok جەلىسىندە ءبىر رەتتىك كيگەن كيىمىنىڭ قۇنىن ايتتى.

بلوگەردىڭ ايتۋىنشا, پروديۋسەردىڭ ۇستىنە كيگەن دجينسالى كۇرتەشە «Prado» برەندىنەن. قۇنى – 925 مىڭ تەڭگە. مايكاسى دا وسى برەندتەن. باعاسى – 425 مىڭ تەڭگە. ال ءتۋفليى – «Jimmy choo» برەندىنەن. باعاسى – 800 مىڭ تەڭگە.

Chanel برەندىنەن العان سومكەسى – 2 ملن 800 مىڭ تەڭگە. LV برەندىلى كوزىلدىرىگى 280 مىڭ تەڭگە تۇرادى.

پروديۋسەردىڭ تاققان اشەكەيلەرى دە ەرەكشە قىمبات تۇرادى. التىنمەن جاسالىپ, گاۋھارتاسپەن ارلەنگەن القاسى – Van Cleef زەرگەرلىك ءۇيىنىڭ ءونىمى. ءبىر ءموتيۆىلى Vintage Allhambra pendant مودەلى 4 ملن 600 مىڭ تەڭگە تۇرادى. ال 16 موتيۆىمەن 18 ملن 700 مىڭ تەڭگەگە باعالانادى.

قولىنا تاققان بىلەزىگى سartier برەندىنەن – 7 ملن 350 مىڭ تەڭگە. ساعاتى دا ءدال وسى برەندتەن, 23 ملن 350 مىڭ تەڭگە تۇرادى. ال جىلان فورماسىنداعى ەكى رەت ورالىپ, گاۋھار تاستارمەن كومكەرىلگەن ساقيناسى Bulgari برەندىنەن. قۇنى – 9 ملن تەڭگە.

سونىمەن بايان ماقساتقىزىنىڭ ءبىر رەتتىك كيگەن كيىمىنىڭ قۇنى – 68 ملن 230 مىڭ تەڭگە.

Tiktok جەلىسىنىڭ قولدانۋشىلارى پروديۋسەردىڭ كيگەن كيىمىنە قاتىستى ءتۇرلى پىكىر ءبىلدىردى.

«ىسىراپشىلدىق قوي, نە كەرەك ترياپكانى بالەنباي مىڭعا الىپ», «ءار وبرازى پالەن ميلليون تۋرادى, سوندا اكشانى كايدان الادى», «الىپ بارا جاتقان جەرى جوق, كيىمدەرىنىڭ», «68 ملن تەڭگە. ارمانىمداعى ءۇيدى الاتىن ەدىم عوي», – دەپ جازدى جەلى قولدانۋشىلارى.