«Ysyrap»: Baıan Maqsatqyzynyń kıimi 70 mln teńgege baǵalandy

Foto: ashyq derekkóz

Tanymal prodıýser Baıan Maqsatqyzynyń kıgen kıimi men taqqan alqa-monshaqtarynyń, saǵatynyń quny belgili boldy. Bloger Jansaıa Ámirsháripqyzy Tiktok jelisinde bir rettik kıgen kıiminiń qunyn aıtty.

Blogerdiń aıtýynsha, prodıýserdiń ústine kıgen djınsaly kúrteshe «Prado» brendinen. Quny – 925 myń teńge. Maıkasy da osy brendten. Baǵasy – 425 myń teńge. Al týflıi – «Jimmy choo» brendinen. Baǵasy – 800 myń teńge.

Chanel brendinen alǵan sómkesi – 2 mln 800 myń teńge. LV brendili kózildirigi 280 myń teńge turady.

Prodıýserdiń taqqan áshekeıleri de erekshe qymbat turady. Altynmen jasalyp, gaýhartaspen árlengen alqasy – Van Cleef zergerlik úıiniń ónimi. Bir motıvili Vintage Allhambra pendant modeli 4 mln 600 myń teńge turady. Al 16 motıvimen 18 mln 700 myń teńgege baǵalanady.

Qolyna taqqan bilezigi Sartier brendinen – 7 mln 350 myń teńge. Saǵaty da dál osy brendten, 23 mln 350 myń teńge turady. Al jylan formasyndaǵy eki ret oralyp, gaýhar tastarmen kómkerilgen saqınasy Bulgari brendinen. Quny – 9 mln teńge.

Sonymen Baıan Maqsatqyzynyń bir rettik kıgen kıiminiń quny – 68 mln 230 myń teńge.

Tiktok jelisiniń qoldanýshylary prodıýserdiń kıgen kıimine qatysty túrli pikir bildirdi.

«Ysyrapshyldyq qoı, ne kerek trıapkany bálenbaı myńǵa alyp», «Ár obrazy pálen mıllıon týrady, sonda akshany kaıdan alady», «Alyp bara jatqan jeri joq, kıimderiniń», «68 mln teńge. Armanymdaǵy úıdi alatyn edim ǵoı», – dep jazdy jeli qoldanýshylary.