«يۋبكا كيگەن ەركەكسىڭ»: اتىراۋدا بلوگەرلەر كەلەمەجدەگەن كۇزەتشىنىڭ قان قىسىمى كوتەرىلىپ, قايتىس بولدى

فوتو: ۆيدەودان كادر

مارقۇمنىڭ ارتىندا ەكى ۇل, ءبىر قىزى قالدى.

جەرگىلىكتى بلوگەرلەر مەملەكەتتىك مەكەمەگە بارىپ, ىشكە كىرمەك بولعان. ولار مەكەمەدەگى ءورت قاۋىپسىزدىگى, مەملەكەتتىك تۋدىڭ جوقتىعى جايلى بىرقاتار زاڭ بۇزۋشىلىقتاردى العا تارتقان. بىراق كۇزەتشى ولاردى تۋرنيكەتتەن ءارى جىبەرمەگەن, دەپ حابارلايدى  qandastar.kz  Skifnews.kz اقپارات پورتالىنا سىلتەمە جاساپ. 

باسا-كوكتەپ كىرمەك بولعان بلوگەرلەر سول جەردە كۇزەتشىنى «سەن – بومجسىڭ», «سەن كىمسىڭ?», «ەركەك ەمەسسىڭ», «يۋبكا كيگەن ەركەكسىڭ» دەپ بالاعاتتاپ, اۋىر سوزدەر ايتقان. بۇل تۋرالى جۋرناليست اينۇر بالاكەشوۆا فەيسبۋك الەۋمەتتىك جەلىسىندەگى پاراقشاسىندا جازدى.

وسىدان سوڭ 56 جاستاعى كۇزەتشى حاكيم يمانيازوۆتىڭ قان قىسىمى كوتەرىلىپ, جەدەل جاردەم شاقىرۋعا تۋرا كەلگەن. ول بىرنەشە كۇن اۋرۋحانادا جاتىپ, كوز جۇمعان.

مەملەكەتتىك ساراپتاما ورتالىعى بلوگەرلەردىڭ ۇستىنەن پوليتسياعا ارىز تۇسىرگەن. مارقۇمنىڭ جۇبايى دا ولاردى قىلمىستىق جاۋاپكەرشىلىككە تارتۋعا مۇددەلى.

مارقۇمنىڭ ارتىندا ەكى ۇل, ءبىر قىزى قالدى.