«Iýbka kıgen erkeksiń»: Atyraýda blogerler kelemejdegen kúzetshiniń qan qysymy kóterilip, qaıtys boldy

Foto: Vıdeodan kadr

Marqumnyń artynda eki ul, bir qyzy qaldy.

Jergilikti blogerler memlekettik mekemege baryp, ishke kirmek bolǵan. Olar mekemedegi órt qaýipsizdigi, memlekettik týdyń joqtyǵy jaıly birqatar zań buzýshylyqtardy alǵa tartqan. Biraq kúzetshi olardy týrnıketten ári jibermegen, dep habarlaıdy  qandastar.kz  Skifnews.kz aqparat portalyna silteme jasap. 

Basa-kóktep kirmek bolǵan blogerler sol jerde kúzetshini «Sen – bomjsyń», «Sen kimsiń?», «Erkek emessiń», «Iýbka kıgen erkeksiń» dep balaǵattap, aýyr sózder aıtqan. Bul týraly jýrnalıst Aınur Balakeshova feısbýk áleýmettik jelisindegi paraqshasynda jazdy.

Osydan soń 56 jastaǵy kúzetshi Hakım Imanııazovtyń qan qysymy kóterilip, jedel járdem shaqyrýǵa týra kelgen. Ol birneshe kún aýrýhanada jatyp, kóz jumǵan.

Memlekettik saraptama ortalyǵy blogerlerdiń ústinen polıııaǵa aryz túsirgen. Marqumnyń jubaıy da olardy qylmystyq jaýapkershilikke tartýǵa múddeli.

Marqumnyń artynda eki ul, bir qyzy qaldy.