«Iýbka kıgen erkeksiń»: Atyraýda kúzetshini kelemejdegen blogerlerge qatysty qylmystyq is qozǵaldy

Foto: Aınur Balakeshovanyń feısbýk paraqshasynan

Atyraýda blogerlerdiń qysynan keıin qaıtys bolǵan kúzetshiniń isine qatysty qylmystyq is qozǵaldy. Qazirgi ýaqytta sotqa deıingi tergeý amaldary júrgizilip jatyr, dep habarlaıdy qandastar.kz  Skifnews.kz aqparat portalyna silteme jasap.

Belgili bolǵandaı ózderin blogermiz dep tanystyrǵan bir top adam Atyraýdaǵy Memlekettik saraptama ortalyǵyna kelgen. Olar sol jerdegi kúzetshige til tıgizgen.

Atyraý oblystyq polıııa departamentiniń málimetinshe, qylmystyq kodekstiń 293-babynyń 2-bóligi ( Fdamdar toby, aldyn ala sóz baılasý arqyly jasaǵan buzaqylyq) boıynsha is qozǵaldy.

Eske sala keteıik, buǵan deıin Atyraýdaǵy “Memlekettik saraptama ortalyǵy” memlekettik mekemesiniń kúzetshisi jumys ornyndaǵy oqıǵaǵa baılanysty basyna qan quıylyp kóz jumǵan edi. Oqıǵanyń vıdeosyn qorǵaýshy Aınur Balakeshova óziniń jelidegi paraqshasynda jarııalaǵan.

Memlekettik organǵa kirgisi kelgen blogerler jolyn bógemek bolǵan kúzetshige daýys kóterip, artynsha balaǵattaǵan. Olar kúzetshiniń aıaq kıimine tıisip, “sen bomjsyń ba?”, “sen kimsiń?”, “sen erkek emessiń, beldemshe kıip al” dep aıtqan.