يۋليا ناۆالنايا «تەرروريستەر تىزىمىنە» ەنگىزىلدى

فوتو: اشىق دەرەككوز

يۋليا ناۆالنايا «تەرروريستەر مەن ەكسترەميستەر» تىزىمىنە ەنگىزىلدى, دەپ حابارلايدى Azattyq Rýhy.

روسفينمونيتورينگ يۋليا ناۆالنايانى «ەكسترەميستىك قىزمەتكە نەمەسە تەرروريزمگە قاتىسى بار» ۇيىمدار مەن جەكە تۇلعالاردىڭ تىزىمىنە ەنگىزدى.

ەسكە سالايىق, ەكى كۇن بۇرىن ماسكەۋدىڭ باسمان اۋداندىق سوتى رەسەي فەدەراتسياسىنىڭ تەرگەۋ ورگاندارىنىڭ ءوتىنىشى بويىنشا ەكسترەميستىك قوعامداستىققا قاتىسى بار دەگەن ايىپپەن يۋليا ناۆالنايانى سىرتتاي قاماۋعا الدى.

سوتتىڭ ءباسپاسوز قىزمەتى ناۆالنايا الدىن-الا تەرگەۋ ورگاندارىنان جاسىرىنىپ قالعانىن, وسىعان بايلانىستى ىزدەۋ جاريالانعانىن باسا ايتتى. تۇتقىنداۋ مەرزىمى ايىپتالۋشى ۇستالعان ساتتەن باستاپ ەسەپتەلەدى.

يۋليا ناۆالنايا – رەسەيدەگى وپپوزيتسيا جەتەكشىسى الەكسەي ناۆالنىيدىڭ جەسىرى. الەكسەي ناۆالنىي وسى جىلدىڭ اقپان ايىندا تۇرمەدە قازا تاپتى. كۇيەۋى قايتىس بولعاننان كەيىن يۋليا ناۆاليا ساياسي قىزمەتكە كىرىستى. ول Human Rights Foundation حالىقارالىق قۇقىق قورعاۋ ۇيىمىن باسقارادى.