يۋليا پۋتينتسەۆا رولان گارروس ءتۋرنيرىنىڭ ەكىنشى اينالىمىنا ءوتتى

قازاقستاننىڭ ەكىنشى, الەمنىڭ 31-راكەتكاسى يۋليا پۋتينتسەۆا رولان گارروس ءتۋرنيرىنىڭ ەكىنشى اينالىمىنا جولداما الدى, دەپ حابارلايدى Qandastar.kz اقپاراتتىق پورتالى.

قازاقستاندىق تەننيسشى باستاپقى كەزدەسۋىن دۇنيەجۇزىلىك رەيتينگىدە 110-ورىندا تۇرعان ارگەنتينالىق سولانا سەررامەن وتكىزدى.

ءبىرىنشى پارتيادا ارگەنتينالىق سپورتشى 3:0, 4:1 ەسەبىمەن العا كەتتى. پۋتينتسەۆا تارازى باسىن تەڭەستىرىپ قانا قويماي, سەتتى ءوز ەسەبىنە جازدى – 7:6 (7:4).

ەكىنشى سەت جەڭىلدەۋ ءتيدى – 6:2.

ءبىر ساعات 39 مينۋتقا سوزىلعان باسەكەدە يۋليا ەيس جاساماعانىمەن, 14 برەيك-پوينتتىڭ التاۋىن پايدالاندى. سەررا 4 برەيكپەن (10 برەيك-پوينت) ەرەكشەلەندى.

يۋليا پۋتينتسەۆا ءۇشىنشى اينالىمعا ءوتۋ ءۇشىن الەمنىڭ 65-راكەتكاسى, امەريكالىق كەتي ۆولىنەتس نەمەسە رەيتينگىدە 175-ساتىداعى تايبەيلىك دجواننا گارلەندتىڭ قاي جەڭگەنىمەن تالاسادى.

يۋ.پۋتينتسەۆا وتكەن جىلى رولان گارروستا ەكىنشى اينالىمعا دەيىن جەتكەن ەدى.