Iýlııa Pýtıneva Rolan Garros týrnıriniń ekinshi aınalymyna ótti

Qazaqstannyń ekinshi, álemniń 31-raketkasy Iýlııa Pýtıneva Rolan Garros týrnıriniń ekinshi aınalymyna joldama aldy, dep habarlaıdy Qandastar.kz aqparattyq portaly.

Qazaqstandyq tennısshi bastapqy kezdesýin dúnıejúzilik reıtıngide 110-orynda turǵan argentınalyq Solana Serramen ótkizdi.

Birinshi partııada argentınalyq sportshy 3:0, 4:1 esebimen alǵa ketti. Pýtıneva tarazy basyn teńestirip qana qoımaı, setti óz esebine jazdy – 7:6 (7:4).

Ekinshi set jeńildeý tıdi – 6:2.

Bir saǵat 39 mınýtqa sozylǵan básekede Iýlııa eıs jasamaǵanymen, 14 breık-poınttyń altaýyn paıdalandy. Serra 4 breıkpen (10 breık-poınt) erekshelendi.

Iýlııa Pýtıneva úshinshi aınalymǵa ótý úshin álemniń 65-raketkasy, amerıkalyq Ketı Volyne nemese reıtıngide 175-satydaǵy taıbeılik Djoanna Garlendtiń qaı jeńgenimen talasady.

Iý.Pýtıneva ótken jyly Rolan Garrosta ekinshi aınalymǵa deıin jetken edi.