جاڭالىقتار
«Z» جانە «V» بەلگىلەرى بار»: باتىس قازاقستاندا رەسەيدىڭ اسكەري تەحنيكالارى نە ىستەپ ءجۇر?
فوتو: موي گورود
بقو-نىڭ بوكەي وردا اۋدانىنداعى سايحين اۋىلىندا رەسەيدىڭ تۋى ءىلىنىپ, «Z» جانە «V» بەلگىلەرى بار اسكەري كولىكتەر ءجۇرىپ وتكەن. اكىمدىك وكىلدەرى بۇل دەرەككە قاتىستى پىكىر ءبىلدىردى, دەپ حابارلايدى qandastar.kz اقپارات پورتالى «موي گورود» سايتىنا سىلتەمە جاساپ.
جەرگىلىكتى تۇرعىندار اسكەري كولىكتەردىڭ قازاقستان تەرريتورياسىندا جۇرگەنىنە نارازى, سونىمەن قاتار ولار جاڭا اسفالتتى قۇرتۋى مۇمكىن دەپ وتىر.
«اۋىلدا جۇرۋلەرىنە كىم رۇقسات بەرگەن?», – دەيدى تۇرعىندار.
اۋدان اكىمدىگى بۇل جايتقا قاتىستى پىكىر ءبىلدىردى.
«كولىكتەردىڭ ءبىرى اۋىلداعى گاز ترۋباسىن ءتيىپ وتكەن. بىزدەگى اقپاراتتار بويىنشا, رەسەي فەدەراتسياسى قازاقستاننان پوليگوندى جالعا العان. ول بوكەي وردا اۋدانىنان 100 شاقىرىم جەردەگى سايحين اۋىلىندا ورنالاسقان. قازىرگى تاڭدا ول ايماقتا رەسەيدىڭ ەكى اسكەري ايماعى ورنالاسقان. قىزمەتكەرلەر ۆاحتا بويىنشا جۇمىس ىستەيدى, رەسەيلىك تەحنيكا پوليگونداردا كەلىسىلگەن باعىت بويىنشا جۇرەدى», – دەيدى اكىمدىكتەگىلەر.
ۆەدومستۆو مالىمەتىنشە, اۋا رايى جاڭبىرلى بولىپ تۇرعاندىقتان جانە ولار جۇرەتىن باعىتتا جول ناشار بولعاندىقتان, اسكەري تەحنيكا سايحين اۋىلى ارقىلى وتكەن.
«بەس اسكەري كولىك 20 قازاندا اۋىلداعى اسفالتتالعان كوشەمەن ءجۇرىپ وتكەن. گاز ترۋباسىن ءتۇرتىپ وتكەنىمەن, ايتارلىقتاي زاقىم كەلمەگەن», – دەيدى اكىمدىك وكىلدەرى.
بۇل جايتتىڭ وزگە دە ءمان-جايلارى انىقتالىپ جاتىر. ارنايى تەحنيكانىڭ جۇرگىزۋشىسى جاۋاپقا تارتىلادى.
