«Z» jáne «V» belgileri bar»: Batys Qazaqstanda Reseıdiń áskerı tehnıkalary ne istep júr?

Foto: Moı gorod

BQO-nyń Bókeı orda aýdanyndaǵy Saıhın aýylynda Reseıdiń týy ilinip, «Z» jáne «V» belgileri bar áskerı kólikter júrip ótken. Ákimdik ókilderi bul derekke qatysty pikir bildirdi, dep habarlaıdy qandastar.kz aqparat portaly «Moı GOROD» saıtyna silteme jasap. 

Jergilikti turǵyndar áskerı kólikterdiń Qazaqstan terrıtorııasynda júrgenine narazy, sonymen qatar olar jańa asfaltty qurtýy múmkin dep otyr.

«Aýylda júrýlerine kim ruqsat bergen?», – deıdi turǵyndar.

Aýdan ákimdigi bul jaıtqa qatysty pikir bildirdi.

«Kólikterdiń biri aýyldaǵy gaz trýbasyn tıip ótken. Bizdegi aqparattar boıynsha, Reseı Federaııasy Qazaqstannan polıgondy jalǵa alǵan. Ol Bókeı orda aýdanynan 100 shaqyrym jerdegi Saıhın aýylynda ornalasqan. Qazirgi tańda ol aımaqta Reseıdiń eki áskerı aımaǵy ornalasqan. Qyzmetkerler vahta boıynsha jumys isteıdi, reseılik tehnıka polıgondarda kelisilgen baǵyt boıynsha júredi», – deıdi ákimdiktegiler.

Vedomstvo málimetinshe, aýa raıy jańbyrly bolyp turǵandyqtan jáne olar júretin baǵytta jol nashar bolǵandyqtan, áskerı tehnıka Saıhın aýyly arqyly ótken.

«Bes áskerı kólik 20 qazanda aýyldaǵy asfalttalǵan kóshemen júrip ótken. Gaz trýbasyn túrtip ótkenimen, aıtarlyqtaı zaqym kelmegen», – deıdi ákimdik ókilderi.

Bul jaıttyń ózge de mán-jaılary anyqtalyp jatyr. Arnaıy tehnıkanyń júrgizýshisi jaýapqa tartylady.