جاڭالىقتار
زاكيەۆا ماڭعىستاۋ وبلىسىنداعى وقۋشى ءولىمى
فوتو: باق كز
ماڭعىستاۋ وبلىسى بەينەۋ اۋدانىنداعى اقجىگىت اۋىلىندا مەكتەپ وقۋشىلارىنا قاتىستى اقشا جيناۋ جانە قورقىتۋ دەرەكتەرىنە بايلانىستى پروكۋراتۋرا تەكسەرۋ جۇرگىزىپ جاتىر. بۇل تۋرالى بالا قۇقىقتارى جونىندەگى ۋاكىل دينارا زاكيەۆا ايتتى, دەپ حابارلايدى qandastar.kz
ونىڭ مالىمەتىنشە, 15 ءساۋىر كۇنى تاڭەرتەڭ وڭىردەگى بالا قۇقىقتارى جونىندەگى ۋاكىل اقجىگىت اۋىلىنا جول تارتادى.
تاعى وقىڭىز: «وقۋشىلاردان اقشا جيناپ, قورقىتادى». ماڭعىستاۋدا ءبىر توپ اتا-انا دابىل قاقتى
ەسكە سالايىق, بۇعان دەيىن اقجىگىت اۋىلىنىڭ 24 وتباسى پوليتسيا بولىمىنە اشىق حات جولداپ, مەكتەپ وقۋشىلارىنان اقشا بوپسالاۋ مەن قورقىتۋ دەرەكتەرىن توقتاتۋدى تالاپ ەتكەن بولاتىن. اۋىل تۇرعىندارى مۇنداي ارەكەتتەردىڭ سالدارى 17 جاستاعى وقۋشىنىڭ قايعىلى قازاسىنا اكەلىپ سوققانىن ايتىپ, دابىل قاققان. قازىرگى تاڭدا اتالعان فاكتى بويىنشا قۇقىق قورعاۋ ورگاندارى قىلمىستىق ءىس قوزعاپ, كۇدىكتى ۇستالعانىن حابارلاعان.
