زامانبەك نۇرقادىلوۆتىڭ ەسكەرتكىشى اشىلدى

فوتو: الماتى وبلىسى اكىمدىگى

الماتى وبلىسىنىڭ كەگەن اۋىلىندا ورنالاسقان بالالار ونەر مەكتەبىنە زامانبەك نۇرقادىلوۆتىڭ ەسىمى بەرىلىپ, ەسكەرتكىش اشىلدى, دەپ حابارلايدى qandastar.kz

سونداي-اق اۋدان وتالىعىندا الماتى وبلىسى اكىمدىگىنەن ءمالىم ەتكەندەي, اتالعان شارا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جۇزەگە اسىرىلدى.

سالتاناتتى شاراعا مەملەكەت جانە قوعام قايراتكەرلەرى, اقىن-جازۋشىلار, تانىمال تۇلعالار مەن قايراتكەردىڭ ۇلى قايرات نۇرقادىلوۆ قاتىستى.

— بۇل ەسكەرتكىش – حالقىمىزدىڭ قايراتكەرگە دەگەن شىنايى قۇرمەتىنىڭ بەلگىسى. ۇلت جاناشىرى رەتىندە زامانبەك نۇرقادىلوۆ ەل ەگەمەندىگىنىڭ نىعايۋىنا ەلەۋلى ۇلەس قوستى. وسىنداي تۇلعالاردىڭ ەڭبەگىن ۇرپاققا مۇرا ەتۋ – ءبىزدىڭ ورتاق پارىزىمىز. سونداي-اق, بيىكتىگى 4,5 مەتر بولاتىن بۇل تۋىندىنىڭ اۆتورلارى ايدوس بۇركىتباەۆ پەن تيمۋر نۇرمۇحامەتوۆكە العىسىمىزدى بىلدىرەمىز, — دەدى الماتى وبلىسى اكىمىنىڭ ورىنباسارى نۇرجان قۇدايبەرگەنوۆ.

شارا بارىسىندا جينالعاندارعا زامانبەك نۇرقادىلوۆتىڭ ءومىرى مەن قىزمەتى تۋرالى «نە تولكو و سەبە» اتتى كىتابى تاراتىلدى.

كەگەندەگى بالالار ونەر مەكتەبى 2015 جىلى قۇرىلعان. مۇندا بالالارعا دومبىرا, قوبىز, بايان, ءداستۇرلى ءان, ەسترادا-ۆوكال, حورەوگرافيا, بەينەلەۋ, ءمۇسىن جانە ساندىك-قولدانبالى ونەر باعىتتارى بويىنشا ءبىلىم بەرەدى. قازىر مەكتەپتە 44 پەداگوگ 890 وقۋشىعا ءبىلىم الىپ جاتىر.