زامانبەك نۇرقادىلوۆتىڭ قىزى مارقۇم اناسىن ەسىنە الدى

فوتو: caravan

ديزاينەر اناسىنىڭ قازاسىنان كەيىن ەل الدىنا ءبىرىنشى رەت شىقتى, دەپ جازدى qandastar.kz

“مەنىڭ انام ناعىز ارقاسۇيەر اقىلشى, سىرلاس دوس, مىقتى ايەل بولعان. اكەم باسقا ايەلگە كەتكەننەن كەيىن ول جالعىز قالدى. ءيا بۇل ءومىر, ومىردە ءبارى بولادى. وسى پاتەردە جالعىز ءوزى تۇردى. سول كەزدە-اق مەن وزىمە سەرت بەرگەن ەدىم. “جاسايتىن ىستەرىمنىڭ ءبارىن اناما ارنايمىن” دەدىم. ودان باسقا ماقساتتى بىلمەپپىن. مەن تالاي ادامدى وسىنداي كۇيدەن شىعارسام دا, ءوز-وزىمە شامام جەتپەدى. بۇل وتە قورقىنىشتى جاعداي. نە ىستەرىڭدى بىلمەي, قانداي ماقسات قويارىڭدى بىلمەۋ دەگەن – وتە قيىن جاعداي. قازىر تۋعان-تۋىستار قايتا ارالاسا باستادى”, – دەدى قۇرالاي.

سوزىنشە, اناسى سىرقاتتانىپ جۇرسە دە, اياق استىنان كەتىپ قالادى دەپ ويلاماعان.

“انام سوڭعى كەزدە اۋىرا باستادى. ءبارى اللانىڭ قولىندا. ەشكىم قاي ۋاقىتتا ءدام-تۇزدىڭ تاۋسىلارىن بىلمەيدى. مەنىڭ قۇربىلارىم ماعان كومەكتەسە باستادى. مەن قازىر عانا ءوزىم ءۇشىن ءومىر ءسۇرۋ كەرەگىن ءتۇسىدىم. الدارىڭدا مۇلدەم باسقا قۇرالاي وتىر. قولداۋلارىڭىزعا راقمەت”, – دەپ العىس ءبىلدىردى ديزاينەر.