Zań jobasy májiliste: Reseı Qazaqstanda jylý elektr ortalyqtaryn salýy múmkin

Foto: ashyq derekkóz

Parlament Májilisiniń qaraýyna «Qazaqstan Úkimeti men Reseı Úkimeti arasyndaǵy Qazaqstan Respýblıkasynyń aýmaǵynda Kókshetaý, Semeı jáne О́skemen qalalarynda kómir jaǵatyn jylý elektr ortalyqtaryn salý jobalary týraly kelisimdi ratıfıkaııalaý týraly» zań jobasy kelip tústi, dep jazdy qandastar.kz

Kelisim Qazaqstan men Reseı arasyndaǵy energetıkalyq yntymaqtastyqty nyǵaıtýǵa baǵyttalǵan. Ol atalǵan qalalarda jańa jylý elektr ortalyqtaryn jobalaý, qurylys jumystaryn júrgizý jáne olardy paıdalanýǵa berý úshin qajetti jabdyqtardy daıyndaý men jetkizý sharalaryn qamtıdy. Sonymen qatar, Reseı tarapy Qazaqstanǵa memlekettik eksporttyq kredıt túrindegi jeńildetilgen qarjylandyrýdy usynbaq.

Májilistiń Ekologııa máseleleri jáne tabıǵat paıdalaný komıteti zań jobasyn qarastyryp, qorytyndy ázirleýge daıyn ekenin depýtat Edil Jańbyrshın jalpy otyrysta málimdedi.

Eske salsaq, ótken jyldyń qarasha aıynda Qazaqstan men Reseıdiń Energetıka mınıstrlikteri arasynda osy jobalarǵa qatysty yntymaqtastyq týraly ózara túsinistik memorandýmyna qol qoıylǵan bolatyn.

Bul jobalar Qazaqstandaǵy jylý energııasy tapshylyǵyn sheship, óńirlerdiń energetıkalyq qaýipsizdigin arttyrýǵa múmkindik beredi dep kútilýde.