زاڭگەر: كورەياعا بارىپ, اەس-ءتىڭ كەرەكتىگىن ءتۇسىندىم

فوتو: Aigul Orynbek فەيزبۋك پاراقشاسىنان

قولدارىندا تەلەفون, ديۆاندا جاتىپ الىپ  وسەك پەن توسەكتى, توقال الۋ مەن ۋاعىز تىڭداۋدان, قاتىنداردىڭ شۇبەرەگىمەن الىسۋدان قازاق جىگىتتەرىنىڭ قولدارى بوساماي تۇر!

بەلگىلى زاڭگەر ءارى قوعام بەلسەندىسى اەس سالۋ ماسەلەسىن قازاقتىڭ ايەلدەرى ەمەس, ەرلەرى كوتەرۋى كەرەك ەكەنىن جازدى. ونىڭ پايىمداۋىنشا, اەس سالۋ ءۇشىن قازاق ەرلەرىنىڭ ساناسى ءوسۋى كەرەك, دەپ حابارلايدى  qandastar.kzSkifnews.kz اقپارات پورتالىنا سىلتەمە جاساپ.

بۇل تۋرالى ويىن ول الەۋمەتتىك جەلىدەگى پاراقشاسىندا جازدى.

«اەس جايلى نەگە جازبايسىڭ, بيلىككە قارسى شىعا المايسىڭ با?» دەگەن ديۆان باتىرلارىنا جاۋاپ!

كورەيا ەلىنە بارىپ بىزگە اەس ءتىڭ كەرەك ەكەنىن ءتۇسىندىم. بىراق,  ءبىزدىڭ ەلدە قازاق ايەلدەرىنە «نەعىپ وتىرسىڭ جازباي», «شىقساي» دەپ ايەلدەردىڭ ارتىنا  تىعالاتىن ەر ازاماتتارىمىزبەن اەس سالۋ ءالى ەرتە! اەس سالۋدى قازاق ايەلدەرى ەمەس, قازاقتىڭ ەر ازاماتتارى كوتەرۋ كەرەك! ال اقىرى مەنەن سۇراپسىڭدار ويىمدى, ەندى تىڭداڭدار!

بىزگە  اەس سالۋ ءۇشىن ەر ازاماتتارىمىز كورەيا ەلىنىڭ جىگىتتەرى سياقتى جاۋاپكەرشىلىگى مول بولۋ كەرەك! ون مىڭ تەڭگەسىن بالالارىنا تولەۋگە قيماي, قاشىپ جۇرگەن ەر ازاماتتارىمىز تۇرعاندا اەس-ءتىڭ اۋىلى الىس! قاتىن ۇرۋدان,  ولتىرۋدەن عانا دامىپ جاتىرمىز! قازاق جىگىتتەرىنىڭ كۇشتەرى ايەلدەرگە جەتىپ تۇر! ەر ازاماتتارىمىزدىڭ ساناسى وسپەي, اەس سالۋ ءالى ەرتە! قولدارىندا تەلەفون, ديۆاندا جاتىپ الىپ  وسەك پەن توسەكتى, توقال الۋ مەن ۋاعىز تىڭداۋدان, قاتىنداردىڭ شۇبەرەگىمەن الىسۋدان قازاق جىگىتتەرىنىڭ قولدارى بوساماي تۇر!

قازاقتىڭ قىزدارىمەن الىسپاي, ءبىلىم الىپ ەلدى دامىتۋعا بار كۇش جىگەرلەرىڭدى بەرسەڭدەر عوي شىركىن. قايتسەم وڭاي اقشا تاپسا, تەندەر ارقىلى بيۋدجەتتى جەسە, تەز بايىپ قىز قالاشتى شۇبەرەكشە اۋىستىرىپ جۇرگەندەرىنە  ءماز! ءبارى ەمەس ارينە, بىراق, كوبىسى وسى دارەجەدە!

ەگەردە ەر ازاماتتارىمىزدىڭ كوزى اشىق, كوكرەگى وياۋ, ءبىلىمدى, جاۋاپكەرشىلىكتەرى جوعارى بولعاندا ءبىز قازىر بۇل تاقىرىپتى تالقىلاپ ءسوز تالاستىرىپ وتىرماس ەدىك. ءبىزدىڭ ەلدەن شىعىپ جاتقان تابيعي بايلىعىمىز ۋراننان  باياعىدا اق ەنەرگيا كوزىن الىپ وتىراتىن ەدىك. مىناۋ تۇرعان كىپ كىشكەنتاي موڭعوليا ءوزىنىڭ التى ازاماتىن كورەيا اتوم ەلەكترو ستانتسيا سالاتىن ينستيتۋتىندا  ءبىلىم العىزعان ەكەن. ال ءبىزدىڭ ەلدەن ءبىر جىگىت ءبىلىم العان ونىڭ ءوزى ەلدەن جۇمىس تاپپاي تۇركيادا قىزمەت جاساپ جاتىر. ەلدىڭ ەر ازاماتتارىنىڭ جاۋاپكەرشىلىگى كۇشەيمەي, اەس سالۋ وتە قاۋىپتى!

اقشا كورسە, تۋعان اناسىن ساتىپ جىبەرەتىن جەمقورلىققا تولى مەملەكەتتە, «اەس سالىنسىن» دەپ ۇگىت-ناسيحات جۇرگىزگىم كەلمەيدى! بۇل بيلىككە قارسى پىكىر ايتۋدان قورقۋ ەمەس, كەيدە ۇندەمەي قالعان دا دۇرىس!», – دەپ جازدى ايگۇل ورىنبەك.