Zańger: Koreıaǵa baryp, AES-tiń kerektigin túsindim

Foto: Aigul Orynbek feızbýk paraqshasynan

Qoldarynda telefon, dıvanda jatyp alyp  ósek pen tósekti, toqal alý men ýaǵyz tyńdaýdan, qatyndardyń shúberegimen alysýdan qazaq jigitteriniń qoldary bosamaı tur!

Belgili zańger ári qoǵam belsendisi AES salý máselesin qazaqtyń áıelderi emes, erleri kóterýi kerek ekenin jazdy. Onyń paıymdaýynsha, AES salý úshin qazaq erleriniń sanasy ósýi kerek, dep habarlaıdy  qandastar.kzSkifnews.kz aqparat portalyna silteme jasap.

Bul týraly oıyn ol áleýmettik jelidegi paraqshasynda jazdy.

«AES jaıly nege jazbaısyń, bılikke qarsy shyǵa almaısyń ba?» degen dıvan batyrlaryna jaýap!

Koreıa eline baryp bizge AES tiń kerek ekenin túsindim. Biraq,  bizdiń elde qazaq áıelderine «neǵyp otyrsyń jazbaı», «shyqsaı» dep áıelderdiń artyna  tyǵalatyn er azamattarymyzben AES salý áli erte! AES salýdy qazaq áıelderi emes, qazaqtyń er azamattary kóterý kerek! Al aqyry menen surapsyńdar oıymdy, endi tyńdańdar!

Bizge  AES salý úshin er azamattarymyz Koreıa eliniń jigitteri sııaqty jaýapkershiligi mol bolý kerek! On myń teńgesin balalaryna tóleýge qımaı, qashyp júrgen er azamattarymyz turǵanda AES-tiń aýyly alys! Qatyn urýdan,  óltirýden ǵana damyp jatyrmyz! Qazaq jigitteriniń kúshteri áıelderge jetip tur! Er azamattarymyzdyń sanasy óspeı, AES salý áli erte! Qoldarynda telefon, dıvanda jatyp alyp  ósek pen tósekti, toqal alý men ýaǵyz tyńdaýdan, qatyndardyń shúberegimen alysýdan qazaq jigitteriniń qoldary bosamaı tur!

Qazaqtyń qyzdarymen alyspaı, bilim alyp eldi damytýǵa bar kúsh jigerlerińdi berseńder ǵoı shirkin. Qaıtsem ońaı aqsha tapsa, tender arqyly bıýdjetti jese, tez baıyp qyz qalashty shúberekshe aýystyryp júrgenderine  máz! Bári emes árıne, biraq, kóbisi osy dárejede!

Egerde er azamattarymyzdyń kózi ashyq, kókregi oıaý, bilimdi, jaýapkershilikteri joǵary bolǵanda biz qázir bul taqyrypty talqylap sóz talastyryp otyrmas edik. Bizdiń elden shyǵyp jatqan tabıǵı baılyǵymyz ýrannan  baıaǵyda aq energııa kózin alyp otyratyn edik. Mynaý turǵan kip kishkentaı Mońǵolııa óziniń alty azamatyn Koreıa Atom elektro stanııa salatyn ınstıtýtynda  bilim alǵyzǵan eken. Al bizdiń elden bir jigit bilim alǵan onyń ózi elden jumys tappaı Túrkııada qyzmet jasap jatyr. Eldiń Er azamattarynyń jaýapkershiligi kúsheımeı, AES salý óte qaýipti!

Aqsha kórse, týǵan anasyn satyp jiberetin jemqorlyqqa toly memlekette, «AES salynsyn» dep úgit-nasıhat júrgizgim kelmeıdi! Bul bılikke qarsy pikir aıtýdan qorqý emes, keıde úndemeı qalǵan da durys!», – dep jazdy Aıgúl Orynbek.