Zańger Lázzat Ahatova: Ánarýǵa qatysty tergeýde zańsyzdyq oryn alyp otyr

Zańger Lázzat Ahatova Ánarý Qurmanáli men Janqosh Turarovqa qatysty tergeýde zańsyzdyqtar oryn alyp jatqanyn jazdy, – dep habarlaıdy qandastar.kz

«Birinshiden, 20-tamyz kúngi bettesýge kúdikti eki advokatpen barǵan. Al jábirlenýshiniń qasynda eshkim bolmaǵan. Advokat alý quqyǵy týraly túsindirmegen de. Telefonyn alyp qalǵan. Al Janqosh Turarov tergeý ǵımaratyna telefonmen kirgen, ol azdaı, tergeýshilermen birge tysqa shyǵyp, qaıta-qaıta bólek sóılesken. Ájethanaǵa baram dep, birneshe ret suranǵan.

Bettestirý hattamasyn jábirlenýshige bermegen. Saraptama qorytyndysy shyqqasyn beremiz depti. Búgin taǵy surasa, tergeýshi taǵy solaı jaýap qaıtarǵan. Taraptarǵa hattama berilýi tıis. Jáne ár tergeý amalyn júrgizerde taraptarǵa (ásirese jábirlenýshige) quqyqtary túsindirilýi tıis. Onyń biri de jasalmaǵan. Soǵan qaraǵanda, hattamany da burmalamaq pa, álde qyzdy múlde tanymaımyn dep, bar báleni qyzǵa jappaq pa, nıetteri taza emesi anyq», – dep jazdy ol feısbýk paraqshasynda.

Almaty qalasy, Áýezov aýdandyq polıııa bóliminde bolyp jatqan jaǵdaıǵa ashynǵan advokat

 quqyq qorǵaý organdarynyń qazirgi bet-beınesin baıandady.

«Adam onsyz da jábir kórip, jany qınalǵannan barady ol jerge. Al olar quqyǵyńdy qorǵamaıdy, qorlaıdy. Ásirese zorlaý faktisi boıynsha zorlanǵan qyzdy tergeýshilerdiń ózderi mazaq qylyp, kórshilerine jarııalap, kekesindi, qıturqy suraqtar qoıyp, onsyz da jany jaraly jábir kórgen adamdy moralno syndyryp tastaıtynyn talaı estigem.

Tipti qyzy zorlanǵan bir kisiler sondaı áreketterge shydamaı, basqa jaqqa kóship ketkenin, óıtkeni qyz tergeýden kelgesin, sýııd jasamaq bolyp jatqan jerinen aman alyp qalǵan da jaıttar bolǵan..Áıelge álimjettik jasaý, qyzdy qorlaý – bir otbasynyń emes, kúlli qoǵamnyń problemasy bolmaıynsha, esersoq erkekterdiń esirgeni esirgen», – dedi ol.