زاڭسىز اكتيۆتەن تۇسكەن قارجى جاتاقحانا سالۋعا جۇمسالماق

ۇكىمەت زاڭسىز شىعارىلعان اكتيۆتەر ەسەبىنەن شىمكەنتتە مەكتەپ-ينتەرنات-كوللەدج تاربيەلەنۋشىلەرى ءۇشىن 300 ورىندىق جاتاقحانا سالۋ تۋرالى شەشىم شىعاردى, دەپ جازادى  qandastar.kz

وسى ماقساتتا ارناۋلى مەملەكەتتىك قوردان 2,6 ملرد تەڭگەدەن استام قاراجات ءبولىندى. جاتاقحانا بارلىق زاماناۋي تالاپتارعا ساي بولادى. جوبادا ۇلدار مەن قىزدارعا ارنالعان بولەك بلوكتار, مەديتسينالىق بلوك, اسحانا, ويىن بولمەلەرى جانە باسقالارى قاراستىرىلعان.

بۇگىندە «سايرام كومەكشى مەكتەپ-ينتەرنات-كوللەدجى» ارنايى كەشەنىندە 363 ادام وقىپ جاتىر. جاڭا عيماراتتىڭ قۇرىلىسى 120 وقۋشىعا ارنالعان جاتاقحاناداعى ورىن تاپشىلىعىن جويۋعا مۇمكىندىك بەرەدى.

نىسان 1975 جىلى سالىنعان. قازىرگى ۋاقىتتا ورىن تاپشىلىعىنا بايلانىستى وقۋ ورنىنداعى كەيبىر كابينەتتەر بالالارعا ارنالعان جاتىن بولمەلەرى رەتىندە قاراستىرىلعان. 67 وقۋشى ۇيدە وقۋعا ءماجبۇر.

“جاڭا جاتاقحانا بالالاردىڭ ءومىر سۇرۋىنە جانە ولاردىڭ ساپالى ءبىلىم الۋىنا قولايلى جاعداي جاسايدى”, – دەلىنگەن ۇكىمەت تاراتقان حابارلامادا.