Zańsyz aktıvten túsken qarjy jataqhana salýǵa jumsalmaq

Úkimet zańsyz shyǵarylǵan aktıvter esebinen Shymkentte mektep-ınternat-kolledj tárbıelenýshileri úshin 300 oryndyq jataqhana salý týraly sheshim shyǵardy, dep jazady  qandastar.kz

Osy maqsatta arnaýly memlekettik qordan 2,6 mlrd teńgeden astam qarajat bólindi. Jataqhana barlyq zamanaýı talaptarǵa saı bolady. Jobada uldar men qyzdarǵa arnalǵan bólek bloktar, medıınalyq blok, ashana, oıyn bólmeleri jáne basqalary qarastyrylǵan.

Búginde «Saıram kómekshi mektep-ınternat-kolledji» arnaıy kesheninde 363 adam oqyp jatyr. Jańa ǵımarattyń qurylysy 120 oqýshyǵa arnalǵan jataqhanadaǵy oryn tapshylyǵyn joıýǵa múmkindik beredi.

Nysan 1975 jyly salynǵan. Qazirgi ýaqytta oryn tapshylyǵyna baılanysty oqý ornyndaǵy keıbir kabınetter balalarǵa arnalǵan jatyn bólmeleri retinde qarastyrylǵan. 67 oqýshy úıde oqýǵa májbúr.

“Jańa jataqhana balalardyń ómir súrýine jáne olardyń sapaly bilim alýyna qolaıly jaǵdaı jasaıdy”, – delingen Úkimet taratqan habarlamada.